ច្បាស់ការហើយ Brad Pitt លែងលះជាមួយ Angelina Jolie មកបង្កាត់ភ្លើងស្នេហ៍ ជាមួយអតីតភរិយាវិញ

បរទេស៖ បន្ទាប់ពីបែកធ្លាយ ពាក្យចចាមអារ៉ាមថា Brad Pitt និង Jennifer Aniston បានជួបជុំគ្នា វិញបន្ទាប់ពីរយៈពេល ១៥ ឆ្នាំ ឥឡូវនេះ រឿងនេះ​បានក្លាយជា ប្រធានបទដែលអ្នកសារព័ត៌មាន ក៏ដូចជាទស្សនិកជនជាច្រើនចាប់អារម្មណ៍ យ៉ាងខ្លាំង និងចង់ដឹងថា ជារឿងពិត ឬយ៉ាងណា។

យ៉ាងណាមិញ ថ្មីៗនេះដែរ យោងតាមសារព័ត៌មាន The Mirror បានបង្ហាញព័ត៌មាន លម្អិតថ្មីៗ ដើម្បីបញ្ជាក់ថានេះគឺជាការពិត​ មិនមែនជាពាក្យចចាមអារ៉ាមទេ។

អ្វីដែលកាន់តែ ពិសេសនោះគឺ កាសែតអង់គ្លេស បាននិយាយថា តារាសម្តែងល្បី នៅហូលីវូដរូបនេះ បានណែនាំ Alia Shawkat ទៅ Jennifer Aniston ដើម្បីបញ្ជាក់ថា រវាងរូបលោក និងតារាស្រីវ័យ ៣១ ឆ្នាំម្នាក់នេះ គ្រាន់តែជា មិត្តភក្តិប៉ុណ្ណោះ មិនមានអ្វីលើសពីនេះនោះទេ។

គួរបញ្ជាក់ដែរថា កាលពីមួយរយៈមុន Brad Pitt និង Alia Shawkat ត្រូវបានគេនិយាយថា បានចូលរួមនៅក្នុងគម្រោងសហគមន៍ជាច្រើន និងមានមន្ទិលសង្ស័យថា ទាក់ទងជាមួយគ្នា៕

សូមទស្សនារូបខាងក្រោម៖​