ម៉ូស្គូ៖ វេជ្ជបណ្ឌិតរុស្ស៊ីម្នាក់ ដែលបានជួបជាមួយលោក ពូទីន កាលពីសប្តាហ៍មុននៅមន្ទីរពេទ្យមួយ ក្នុងតំបន់ Kommunarka ទីក្រុងម៉ូស្គូបាននិយាយកាលពីថ្ងៃអង្គារម្សិលមិញថា លោកបានធ្វើតេស្តវិជ្ជមានវីរុសកូវីត-១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក ពូទីន បានទៅមន្ទីរពេទ្យក្នុងតំបន់ Kommunarka កាលពីថ្ងៃអង្គារសប្តាហ៍មុន ដោយលោកបានជួបជជែក និងចាប់ដៃជាមួយវេជ្ជបណ្ឌិត Denis Protsenko។ ហើយស្រាប់តែមកដល់ថ្ងៃអង្គារម្សិលមិញនេះ លោកវេជ្ជបណ្ឌិត Protsenko បានសរសេរនៅលើបណ្តាញសង្គមហ្វេសប៊ុកយ៉ាងដូច្នេះថា៖
ខ្ញុំបានឆ្លងវីរុសកូវីត-១៩ហើយ ប៉ុន្តែខ្ញុំមិនអីនោះទេ ហើយខ្ញុំបានមកនៅដាច់ដោយឡែកក្នុងការិយាល័យរបស់ខ្ញុំ។
លោក ពូទីន បានពាក់ឧបករណ៍ការពារអំឡុងពេលលោកទៅមើលអ្នកជំងឺកូវីត-១៩នៅមន្ទីរពេទ្យ ប៉ុន្តែលោកមិនបានពាក់ឧបករណ៍ការពារកំឡុងពេលលោកជួបប្រជុំជាមួយវេជ្ជបណ្ឌិត Protsenko នោះទេ។
សូមបញ្ជាក់ផងដែរថា បើគិតដល់ថៃ្ងនេះ ប្រទេសរុស្សីមានអ្នកឆ្លងវីរុសកូវីត-១៩ សរុប ២,៣៣៧ នាក់ ស្លាប់ចំនួន ១៧ នាក់ និង ១២១ នាក់ផ្សេងទៀត បានទទួលការព្យាបាលជាសះស្បើយ៕
សូមទស្សនាវីដេអូខាងក្រោម៖
Bong I.T