ហុងកុង៖ បន្ទាប់ពីបាន សម្រេចចិត្តរៀបការជាមួយគ្នា អស់រយៈពេលជិត ៤ឆ្នាំរួចមក ពេលនេះ តារាសម្តែងស្រី ដ៏ល្បី ប្រចាំទូរទស្សន៍TVB នាងTavia Yeung កំពុងតែពរពោះកូនស្រីដំបូង ជាមួយស្វាមីដែលជា តារាសម្តែងដូចគ្នា តារាប្រុស Him Law ហើយក៏ត្រៀមនឹងសម្រាល នៅក្នុងពេលឆាប់ៗ ខាងមុខនេះហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីពេលថ្មីៗនេះដែរ គូស្នេហ៍មួយគូនេះ បានបង្ហោះនូវ សំណុំរូបថតដែលត្រូវបានថត នៅពេលដែលTavia Yeung កំពុងពរពោះ មើលទៅ អ្នកម្តាយរូបនេះ នៅតែស្រស់ស្អាតដដែល។ អ្នកគាំទ្រជាច្រើនក៏បាន លើកឡើងថា តារាស្រីរូបនេះ មិនផ្លាស់ប្តូរច្រើនទេ ក្នុងពេលកំពុង ពរពោះកូនដំបូងនេះ។
លើសពីនេះ តាមរយៈរូបទាំងនេះ គេឃើញថា គូស្វាមីភរិយាមួយគូនេះគឺ ពិតជាបានបង្ហាញនៅក្តីរំភើប និងភាពសប្បាយរីករាយយ៉ាងខ្លាំង ក្នុងការដែលជិតទទួលស្វាគមន៍ នៅកូនដំបូងរបស់ពួកគេ សម្រាប់បំពេញសុភមង្គល ក្នុងគ្រួសារមួយដ៏ពេញលេញ នាពេលខាងមុននេះផងដែរ។
គួររម្លឹកផងដែរថា គូស្វាមីភរិយា ដ៏ល្បីល្បាញនៃ ឧស្សាហកម្មកម្សាន្តហុងកុង មួយគូនេះ បានធ្វើការណាត់ជួបគ្នា ជាផ្លូវការតាំងពីឆ្នាំ២០១១ បន្ទាប់ពីបានសម្តែង ក្នុងខ្សែភាពយន្តមួយ ជាមួយគ្នា។ ពួកគេមានទំនាក់ទំនង ជាមួយគ្នាអស់រយៈពេល៥ឆ្នាំ រហូតដល់ ឆ្នាំ២០១៦ ទើបពួកគេសម្រេចចិត្តរៀបចំ ពិធីមង្គលការដ៏សាមញ្ញមួយ នៅឯ Leeds Castle នៃប្រទេសអង់គ្លេស៕