អង់គ្លេស៖ អតីតខ្សែប្រយុទ្ធក្រុម Blackburn Rover និង Chelsea លោក Chris Sutton បាននិយាយថា កីឡាករ Harry Kane ពិតជាល្ងង់ដែលមិនចាកចេញពីក្រុម Tottenham Hotspur ទៅចូលរួមជាមួយក្រុម Liverpool ឬ Manchester City។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
យ៉ាងណាមិញ សម្រាប់ Kane ផ្ទាល់ កាលពីពេលថ្មីៗក៏បានបង្ហើបពីគំនិតក្នុងការចែកផ្លូវគ្នាជាមួយក្លិបរហ័សនាមមាន់ខ្នាយមាសផងដែរ ដោយខ្សែប្រយុទ្ធវ័យ២៦ឆ្នាំ បានលើកឡើងថាប្រសិនបើក្រុមមិនរីកចម្រើនទេ នោះគេនឹងចាកចេញ។
និយាយជុំវិញរឿងអនាគតរបស់ Kane ជាមួយ Spurs អតីតជម្រើសអង់គ្លេសលោក Sutton បានយល់ឃើញយ៉ាងដូច្នេះថា៖
ខ្ញុំយល់ពីស្ថានភាពដ៏លំបាករបស់គេនៅពេលនេះ។ ប៉ុន្តែប្រសិនបើគាត់ចង់ឈ្នះពាន Premier League គាត់ត្រូវឆ្ពោះទៅមុខទៀត ទៅរកក្លិបដែលមានឱកាសឈ្នះពានរង្វាន់នេះ ជាង Spurs។
លោកបានបន្ថែមទៀតថា៖
ពួកយើងសុទ្ធតែដឹងហើយថា គាត់ពិតជាចង់ឈ្នះអ្វីម្យ៉ាងក្នុងអាជីពរបស់គាត់។ ដូច្នេះប្រសិនបើគាត់ចង់ឈ្នះ ខ្ញុំមិនហាមឲ្យគាត់ធ្វើការផ្ទេរចេញនោះទេ។ Spurs ជាក្លិបដ៏អស្ចារ្យមួយ ប៉ុន្តែនៅពេលនេះបើធៀបទៅនឹង Liverpool ឬ Man City ពួកគេហាក់នៅពីក្រោយក្លិបទាំងពីរនេះ។ ប្រសិនបើក្លិបមួយក្នុងចំណោមក្លិបទាំងពីរនោះចង់បានគាត់ ហើយអ្នកជា Kane តើអ្នកជាមនុស្សល្ងង់មែនអត់ បើអ្នកមិនទៅ។
គួររម្លឹកផងដែរថា Kane បានផ្លាស់ពីក្រុម Leicester City មកចូលរួមជាមួយក្រុម Tottenhma តាំងឆ្នាំ២០១៣ មកម្ល៉េះ។ គិតមកទល់ពេលនេះ គេបង្ហាញខ្លួនឲ្យក្រុមដែលមូលដ្ឋាននៅគាគខាងជើងទីក្រុងឡុងដ៍បានចំនួន ២៧៨ ប្រកួត ក្នុងនោះគេរកគ្រាប់បានបានរហូតដល់១៧៨គ្រាប់ឯណោះ។ ប៉ុន្តែទោះជាយ៉ាងណា រយៈពេលជិត៧កន្លងមក គេមិនដែលបានលើកពានជាមួយ Spur បាន១ដងនៅឡើយទេ៕
ប្រភព៖ BBC
Bong I.T