ចិន៖ តារាសម្តែងស្រី Dilraba ត្រៀមនឹងថត ខ្សែភាពយន្តថ្មី ជាមួយតួប្រុស Leo Wu ដែលពួកគេទាំងពីរ ត្រូវបានគេដឹងថា មានគម្លាតអាយុខុសគ្នា រហូតដល់ទៅ៧ឆ្នាំ ដែលជាហេតុដែលរឿង មិនទាន់ចាប់ផ្តើមថតស្រួលបួលផង ក៏មានមហាជនរិះគន់ ទៅហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើយោងតាម ការរាយការណ៍របស់ សារព័ត៌មានSina នៅក្នុងថ្ងៃទី២៩ ខែមីនា កន្លងទៅនេះ បានឲ្យដឹងថា ក្រុមការងារក្នុងរឿងថ្មី ដែលមានចំណងជើងថា «Marching School» បានចាប់ផ្តើម ដំណើរការក្នុង ការថតរឿងភាគថ្មីនេះហើយ។ ជាមួយគ្នានេះ គេក៏ឃើញមានវត្តមាន របស់តួឯកប្រុស និងតួឯកស្រី នៅកន្លែងនោះ ដើម្បីត្រៀមធ្វើការថតផងដែរ។
ជាក់ស្តែង បន្ទាប់ពីដំណឹងនៃ ការចាប់ដៃគូររវាង តារាសម្តែងស្រី Dilraba និងLeo Wu បានចេញផ្សាយទៅ ក៏បានធ្វើឲ្យមហាជនជាច្រើន ហាក់បង្ហាញការមិនពេញចិត្ត ដែលពួកគេទាំងពីរ ចាប់ដៃគូជាមួយគ្នា ក្នុងរឿងភាគថ្មីនេះ ក៏ដោយសារតែ ហេតុផលពួកគេទាំងពីរ មានគម្លាតខុសគ្នាឆ្ងាយពេក រហូតដល់៧ឆ្នាំ គឺDilraba អាយុ២៨ឆ្នាំ និង Leo Wu ទើបតែអាយុ២១ឆ្នាំ ដោយលើកឡើងថា ពួកគេទាំងពីរ មិនមែនជាដៃគូ ដែលសាកសម និងគួរឲ្យចង់មើលនោះទេ៕