បារាំង៖ កីឡាករកំពុងលេចធ្លោរបស់ក្លិប Rennes ខ្សែបម្រើ Eduardo Camavinga ត្រូវបានរាយការណ៍មកថាចាប់អារម្មណ៍ក្នុងការផ្លាស់ទៅកាន់ក្លិបយក្សអេស្ប៉ាញ Real Madrid បើទោះបីជាមានក្លិបធំៗជាច្រើនទៀតនៅអឺរ៉ុបដាក់រ៉ាដាចង់បានរូបគេក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមានវ័យត្រឹម១៧ឆ្នាំ Camavinga បានបង្ហាញទម្រង់លេងយ៉ាងលេចធ្លោនៅទឹកដីបារាំងជាមួយ ក្នុងរដូវកាលនេះ ដោយចូលលេងឲ្យក្រុមធំ Rennes បាន៣៦ប្រកួតពីគ្រប់ព្រឹត្តិការណ៍ទាំងអស់ ខណៈសមត្ថភាពរបស់គេត្រូវបានព្យាករណ៍ថានឹងអាចក្លាយជាខ្សែបម្រើដ៏ឆ្នើមមួយរូបនាពេលអនាគត។
Real Madrid ចង់បាន Camavigna ដើម្បីទៅជំនួសកន្លែងរបស់ Casemiro ដែលមានវ័យកាន់តែច្រើន ហើយក្លិបមានមូលដ្ឋាននៅរាជធានីរបស់ប្រទេសអេស្ប៉ាញក៏បានត្រៀមខ្លួនរួចរាល់ក្នុងការដាក់សំណើទៅកាន់ Rennes ផងដែរ នៅពេលដែលទីផ្សាររដូវក្ដៅចាប់ផ្ដើម។
បណ្ដាក្លិបធំៗជាច្រើនរួមមាន Liverpool, Dortmund, PSG, Manchester United និង Manchester City សុទ្ធតែមានបំណងចង់នាំយកយុវជនជម្រើសជាតិបារាំងរូបនេះ ប៉ុន្តែបើតាម Marca សាមីកីឡាករខ្លួនឯងផ្ទាល់ចង់មកលេងនៅកីឡដ្ឋាន Santiago Bernabeu។
ប្រភពដដែលបានបន្តឲ្យដឹងទៀតថា ក្លិបជើងឯក Champions League ១៣សម័យកាលគឺជាកន្លែងដ៍សក្ដិសមសម្រាប់ Camavinga ក្នុងការអភិវឌ្ឍសមត្ថភាពរបស់គេឲ្យក្លាយជាកីឡាករលំដាប់កំពូល៕
ប្រភព៖ SportsMole