ក្រសួងសុខាភិបាលកម្ពុជា​បានរកឃើញ ស្ត្រីម្នាក់ និងក្មេងប្រុសម្នាក់ នៅសៀមរាបដែលបានឆ្លងកូវីដ១៩

ភ្នំពេញ៖ រកឃើញករណីឆ្លងថ្មីបន្ថែមចំនួន ២នាក់ទៀត នៅខេត្តសៀមរាប នេះបើយោងតាមសេចក្ដីប្រកាសរបស់ក្រសួងសុខាភិបាលកម្ពុជា នាព្រឹកថ្ងៃទី៣១ ខែមីនា ឆ្នាំ២០២០នេះ។

ករណីឆ្លងថ្មីទាំងពីរនាក់នេះ គឺអ្នករស់នៅខេត្តសៀមរាប ដែលជាម្ដាយកូននឹងគ្នា។ ស្ត្រីជាម្ដាយ មានអាយុ ៣៩ឆ្នាំ និងកូនប្រុស អាយុ ១២ឆ្នាំ បានធ្វើតេស្តវិជ្ជមានវីរុសកូវីដ១៩។ ដោយបច្ចុប្បន្នកំពុងសម្រាកព្យាបាលនៅមន្ទីពេទ្យខេត្តសៀមរាប។

ស្ត្រីអាយុ ៣៩ឆ្នាំរូបនេះ គឺជាភរិយារបស់បុរស អាយុ ៤០ឆ្នាំ ដែលបានត្រឡប់មកពីពិធីសាសនាពីប្រទេសម៉ាឡេស៊ី ។ រីឯកូន ២នាក់ផ្សេងទៀត និងឪពុកក្មេក ធ្វើតេស្តអវិជ្ជមាន។

សូមបញ្ជាក់ផងដែរថា ចំនួនអ្នកឆ្លងសរុបឡើងដល់ ១០៩នាក់ ហើយអ្នកព្យាបាលជាសះស្បើយសរុបចំនួន ២៣ នាក់។ ដែលនៅក្នុងនោះមានបុរសជនជាតិចិន ០១នាក់ ស្ត្រីជនជាតិអង់គ្លេស ០២នាក់ បុរសជនជាតិអង់គ្លេស ០១នាក់ បុរសជនជាតិបារាំង ០១នាក់ និងបុរសជនជាតិខ្មែរ ១៨នាក់៕

សូមអានលម្អិត សេចក្តីជូនព័ត៌មានរបស់ក្រសួងសុខាភិបាលខាងក្រោម៖