ក្រសួងសេដ្ឋកិច្ច និងហិរញ្ញវត្ថុ បានប្រកាសឲ្យក្រុមហ៊ុនកាស៊ីណូទាំងអស់ ត្រូវបញ្ឈប់សកម្មភាពអាជីវកម្មរបស់​ខ្លួន​ជាបណ្តោះ​អាសន្នចាប់ពីវេលាម៉ោង២៤:០០នាទី ថ្ងៃទី០១ ខែមេសាតទៅ រហូតដល់មានការជូនដំណឹងជាថ្មី ដើម្បីទប់ស្កាត់ការរីករាលដាលវីរុសCovid-19។

ជាការកត់សម្គាល់ ក្រៅពីប្រកាសឲ្យក្រុមហ៊ុនកាស៊ីណូទាំងអស់ផ្អាកសកម្មភាពអាជីវកម្មរបស់ខ្លួនជាបណ្តោះអាសន្ន រដ្ឋាភិបាលកន្លងមក បានតម្រូវ​ឲ្យមន្ត្រី​ពាក់ព័ន្ធបិទ សាលារៀន ព្រមទាំងកន្លែងកម្សាន្តនានាដូចជាបៀរហ្កាឌិន KTV និងរោងភាពយន្តនានានៅទូទាំង​ប្រទេស ព្រមទាំងផ្អាកសេវារថយន្ដក្រុងសាធារណៈ និងសេវាកាណូត ដើម្បីកុំឲ្យមាន​ការជួប​ជុំព្រោះអាចនាំឲ្យមានករណីរាលដាលកើនឡើង។

សូមជម្រាបថា គិតត្រឹមព្រឹកថ្ងៃទី៣០ ខែមីនានេះ កម្ពុជារកឃើញអ្នកឆ្លង COVID-19 ចំនួន ១០៧នាក់។ ក្នុងចំណោមអ្នកឆ្លងខាងលើ មានអ្នកជាសះស្បើយ ចំនួន ២៣នាក់ហើយ៕

លិខិតពីក្រសួងសេដ្ឋកិច្ច

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ