ហាណូយ៖ នាយករដ្ឋមន្រ្តីវៀតណាមនៅថ្ងៃច័ន្ទនេះ បានស្នើសុំឱ្យទីក្រុងធំៗ ត្រៀមរៀបចំសម្រាប់ការបិទដំណើរការ ដើម្បីបញ្ឈប់ការឆ្លងរាលដាលនៃវីរុសកូវីត-១៩ ខណៈចំនួនអ្នកឆ្លងនៅក្នុងប្រទេសនេះបានកើនឡើងដល់ជិត ២០០ នាក់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នាយករដ្ឋមន្រ្តីវៀតណាមលោក Nguyen Xuan Phuc បាននិយាយនៅក្នុងសេចក្តីថ្លែងការណ៍មួយថា៖
ទីក្រុងហាណូយ និងទីក្រុងហូជីមិញ ត្រូវតែពិនិត្យឡើងវិញ និងធ្វើបច្ចុប្បន្នភាពផែនការ ដើម្បីប្រយុទ្ធប្រឆាំងនឹងវីរុសនេះ ហើយក៏ត្រូវត្រៀមខ្លួនទុកមុនសម្រាប់ការបិទដំណើរទីក្រុងផងដែរ។
លោក Phuc បាននិយាយទៀតថា៖
ប្រទេសវៀតណាមបានឈានដល់ដំណាក់កាលកំពូលនៃជំងឺរាតត្បាតនេះហើយ ដូច្នេះទីក្រុងសំខាន់ៗ ត្រូវតែពន្លឿនការងារ ដើម្បីអនុវត្តឱ្យទាន់តាមវិធានការណ៍ដែលបានកំណត់។
គួរជម្រាបដែរថា បើគិតមកត្រឹមថ្ងៃនេះ ប្រទេសវៀតណាមរកឃើញអ្នកឆ្លងវីរុសកូវីត-១៩ សរុប ១៩៤ នាក់ ហើយមនុស្សប្រមាណ ៧៥,០០០ នាក់ផ្សេងទៀត ត្រូវបានដាក់ឱ្យនៅដាច់ឡែក ដើម្បីធ្វើការតាមដានបន្ថែម ក៏ដូចជាជៀសវាងការចម្លងជំងឺទៅអ្នកដ៏ទៃ៕
Bong I.T