មកដឹងពីមូលហេតុធំៗ ដែលបណ្ដាលឲ្យអត្រាមរណៈ នៅក្នុងប្រទេសអ៊ីតាលី មានកំណើនខ្ពស់ ដោយសារជំងឺកូវីដ-១៩

//s5.kh1.co/9a/9a3573fe8fd421a3e7889121604c949d3f3bf74d.jpg
សង្គម

 ៣០-មីនា-២០២០ ៣ល្ងាច · ៤ ឆ្នាំមុន

មានមូលហេតុធំៗចំនួន ៣ ដែលគេជឿថា វាជាកត្តាដែលបណ្ដាលឲ្យប្រទេសអ៊ីតាលី ឈានមកដល់ដំណាក់កាលមួយនេះ។

អ៊ីតាលី៖ ខណៈពេលប្រទេសអ៊ីតាលីបានឈានចូលសប្ដាហ៍ទី ៦ នៃការរឹតត្បិតរបស់ខ្លួន មនុស្សជាច្រើនកំពុងចោទជាសំណួរថា មូលហេតុអ្វីបានជាអត្រាមរណៈនៅក្នុងប្រទេសនេះមានការកើនឡើងខ្ពស់ជាងប្រទេសដទៃទៀត? មានមូលហេតុធំៗចំនួន ៣ ដែលគេជឿថា វាជាកត្តាដែលបណ្ដាលឲ្យប្រទេសអ៊ីតាលី ឈានមកដល់ដំណាក់កាលមួយនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
អ៊ីតាលីគឺជាប្រទេសដែលមានចំនួនអ្នកស្លាប់ ដោយជំងឺកូវីដ-១៩ ច្រើនជាងគេបំផុត
អ៊ីតាលីគឺជាប្រទេសដែលមានចំនួនអ្នកស្លាប់ ដោយជំងឺកូវីដ-១៩ ច្រើនជាងគេបំផុត

ទីមួយគឺដោយសារចំនួនករណីឆ្លងមិនច្បាស់លាស់។ លោកវេជ្ជបណ្ឌិត Massimo Galli ប្រធានផ្នែកជំងឺឆ្លងនៃមន្ទីរពេទ្យ Sacco ក្នុងទីក្រុង Milan បាននិយាយថា៖ «ចំនួនករណីដែលបានបញ្ជាក់ នៅក្នុងប្រទេសអ៊ីតាលី មិនអាចក្ដោបចំនួនករណីឆ្លងទាំងអស់នោះទេ។ តួលេខពិតប្រាកដគឺច្រើនជាងនេះ»។ លោកបានបន្ថែមថា អ្នកដែលស្ថិតនៅក្នុងករណីធ្ងន់ធ្ងរ ទើបត្រូវបានគេធ្វើតេស្ដ ហើយមិនបានធ្វើសម្រាប់ប្រជាជនទាំងអស់នោះដែរ។ បន្ថែមពីនេះ ឧបសគ្គធំសម្រាប់បុគ្គលិកសុខាភិបាលដែលធ្វើតេស្ដ គឺកង្វះឧបករណ៍ការពារ និងមានចំនួនកំណត់។

ទីពីរគឺដោយសារចំនួនមនុស្សចាស់។ អត្រាមរណៈហាក់ដូចជាកើតឡើងខ្ពស់ ចំពោះប្រជាជនវ័យចំណាស់របស់ប្រទេសអ៊ីតាលី ដែលមានចំនួនមនុស្សចាស់ច្រើនជាងគេ នៅលើពិភពលោក នៅពីក្រោយប្រទេសជប៉ុន។ អ្នកជំងឺក្នុងវ័យនេះគឺស្ថិតនៅក្រោមស្ថានភាព ដែលងាយនឹងរងគ្រោះដោយសារតែវីរុសឆ្លង ដូចជាវីរុសកូរ៉ូណាជាដើម។

អ៊ីតាលីមានចំនួនមនុស្សចាស់ច្រើនជាងគេ បន្ទាប់ពីប្រទេសជប៉ុន
អ៊ីតាលីមានចំនួនមនុស្សចាស់ច្រើនជាងគេ បន្ទាប់ពីប្រទេសជប៉ុន

ចុងក្រោយគឺដោយសារតែកម្រិតនៃការរឹតត្បិត។ អ្នកជំនាញមួយចំនួនបានចោទជាសំណួរថាតើ ការរឹតត្បិតរបស់ប្រទេសអ៊ីតាលីមានលក្ខណៈគ្រប់គ្រាន់ ដែលអាចទប់ស្កាត់ការរីករាលដាលវីរុសឆ្លងនេះហើយឬនៅ? ទីក្រុងវូហានរបស់ប្រទេសចិនគឺជាតំបន់ដំបូងគេបង្អស់ ដែលដាក់បំរាមហាមឃាត់ការចេញចូល ទៅលើពលរដ្ឋចំនួន ១១ លាននាក់របស់ខ្លួន កាលពីខែមករា ដោយរាល់ជើងហោះហើរ រថភ្លើង និងឡានក្រុងទាំងអស់ត្រូវបានលុបចោល ហើយផ្លូវចេញចូលត្រូវបានបិទ។

ឥឡូវនេះ ប្រជាជនអ៊ីតាលីប្រឈមនឹងការផាកពិន័យរហូតដល់ ៣,៣៥០ ដុល្លារ ចំពោះការមិនគោរពតាមបញ្ជារបស់រដ្ឋាភិបាល។ ប៉ុន្ដែលោកដុកទ័រ Giorgio Palu អតីតប្រធានសហគមន៍អឺរ៉ុបបានឲ្យដឹងថា៖ «វិធានការរបស់អ៊ីតាលីគឺមិនមានលក្ខណៈខ្លាំងក្លាឬតឹងរឹង ដូចជាប្រទេសចិនទេ»។ លោកបានបន្ថែមថា៖ «ប៉ុន្ដែចំពោះប្រទេសប្រជាធិបតេយ្យ ការធ្វើបានប៉ុណ្ណេះគឺល្អហើយ»៕

Chhen Hangly
H.L

អត្ថបទទាក់ទង

//s9.kh1.co/c0/c0775fdde67a0c3b2c616c6bc33e23f179bbf1a4.png

នាឱកាសបុណ្យចូលឆ្នាំខ្មែរខាងមុខ រដ្ឋបាលរាជធានីភ្នំពេញ នឹងដាក់ឱ្យប្រើប្រាស់ ជាបណ្តោះអាសន្នស្ពានអាកាស «មរតកតេជោ» ដើម្បីជួយសម្រួល ដល់ការធ្វើដំណើររបស់ប្រជាពលរដ្ឋ

 ២៩-មីនា-២០២៤ 
 ១០ព្រឹក · ១០ ម៉ោងមុន
//s9.kh1.co/69/6979169246f2271453d368556b205bb61a6118e7.png

ត្រៀមខ្លួនចូលរួមសប្បាយកម្សាន្តជាមួយ «សង្ក្រាន្តវត្តភ្នំ » នៅរមណីយដ្ឋានប្រវត្តិសាស្រ្តវត្តភ្នំ រយៈពេល០៤ថ្ងៃ ចាប់ពីថ្ងៃទី១៣ ដល់ ១៦ ខែមេសា ឆ្នាំ២០២៤

 ២៩-មីនា-២០២៤ 
 ៩ព្រឹក · ១១ ម៉ោងមុន
រក្សាសិទ្ធិ Mediaload
Powered by Bong I.T Bong I.T