កូរ៉េខាងត្បូង ៖ ដោយសារតែភាពល្បីល្បាញជាសកល របស់ក្រុមច្រៀង BTS បានធ្វើឲ្យមនុស្សជាច្រើន ងាកមកចាប់អារម្មណ៍ពួកគេ ស្ទើរតែគ្រប់សកម្មភាព កម្រនឹងមានសកម្មភាពណា គេចផុតពីខ្សែភ្នែកហ្វេនៗណាស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដូចជានៅក្នុងបទសម្ភាសន៍មួយ Jungkook កូនពៅនៅក្នុងក្រុម ធ្លាប់បាននិយាយថា លោកមិនចូលចិត្ត ការចែករំលែកសម្លៀកបំពាក់ ជាមួយនឹងអ្នកណាម្នាក់នោះឡើយ។ ប៉ុន្តែក្រោយមកមិនយូរប៉ុន្មាន ហ្វេនៗក៏បានរកឃើញថា ឈុតសម្លៀកបំពាក់ជាច្រើនដែល Jungkook ពាក់ គឺដូចគ្នានឹងសមាជិកដទៃទៀតបេះបិទ ជាពិសេសនោះគឺ Jimin។
ដំបូងឡើយ ហ្វេនៗគិតថា ពួកគេអាចនឹងមានចេតនា ទិញឈុតដូចគ្នាយកមកពាក់ ប៉ុន្តែវាមានឈុតដែលដូចគ្នាច្រើនពេក ទើបគិតថា ពួកគេខ្ចីគ្នាពាក់ច្រើនជាង។
ក្រុមអ្នកគាំទ្រសន្មតថា ព្រោះតែសេចក្ដីស្រលាញ់ ក៏ដូចជាមិត្តភាពដ៏ល្អ ក្នុងរយៈពេលកន្លងមក បានធ្វើឲ្យពួកគេលែងមានគំនិតប្រកាន់ច្រើន ថែមទាំងមានអារម្មណ៍ថាស្និទស្នាល និងកាន់តែកក់ក្ដៅជាងមុន ពេលដែលបានចែករំលែកសម្ភារៈប្រើប្រាស់ជាមួយគ្នាបែបនេះ៕
ទស្សនារូបភាពខាងក្រោម ៖