កូរ៉េខាងជើងបានបង្ហាញនូវក្តីត្រេកអរ ចំពោះការបាញ់សាកល្បងគ្រាប់រ៉ុក្កែត។ ការណ៍នេះបានកើតឡើងប៉ុន្មានម៉ោងប៉ុណ្ណោះ បន្ទាប់ពីប្រទេស កូរ៉េខាងត្បូងបានថ្កោលទោសរដ្ឋនេះ ថាកំពុងធ្វើសកម្មភាពដែលមិនសមរម្យ និងជាការបំពាន។ ការសាកល្បងបានធ្វើកាលពីថ្ងៃអាទិត្យគឺ មីស៊ីលផ្លោងរយៈចម្ងាយជិត ចំនួន ២គ្រាប់ដែលត្រូវបានបាញ់ចេញពីភាគខាងកើតទីក្រុងវ៉ុនសាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោធាកូរ៉េខាងត្បូងបាននិយាយថាមីស៊ីលទាំងនោះ បានហោះចម្ងាយ ៤១០ គីឡូម៉ែត្រ (២៥៥ ម៉ាយ) នឹងមានរយៈកម្ពស់អតិបរមាប្រហែល ៥០ គីឡូម៉ែត្រមុនពេលធ្លាក់ចូលសមុទ្រ។ បន្ទាប់មក នៅថ្ងៃច័ន្ទប្រព័ន្ធផ្សព្វផ្សាយរដ្ឋកូរ៉េខាងជើង KCNA បានរាយការណ៍ថាខ្លួនបានសាកល្បងដោយជោគជ័យនូវការបាញ់កាំជ្រួចរ៉ុក្កែតជាច្រើនគ្រាប់។
អគ្គសេនាធិការចំរុះរបស់កូរ៉េខាងត្បូងបានអោយដឹងថា៖ “ នៅក្នុងស្ថានភាពមួយដែលពិភពលោកទាំងមូលកំពុងជួបការលំបាកដោយសារតែ Covid-19 សកម្មភាពយោធាប្រភេទនេះរបស់កូរ៉េខាងជើង គឺជាការបំពាន និងមិនសមរម្យទេ ហើយយើងសូមអំពាវនាវឱ្យបញ្ឈប់ជាបន្ទាន់” ។
ទីភ្នាក់ងារសារព័ត៌មានរ៉យទ័របានរាយការណ៍ថា ការសាកល្បងចុងក្រោយបង្អស់បានកត់សម្គាល់នូវមីស៊ីលទី ៨ និងទី ៩ ដែលបានបាញ់សាកល្បងចំនួន ៤ លើកនៅក្នុងខែនេះ។ នេះបើយោងតាមអ្នកស្រាវជ្រាវជាន់ខ្ពស់ម្នាក់នៅមជ្ឈមណ្ឌល James Martin Centre for Nonproliferation Studies៕