ប៊ែរឡាំង៖ លោក Thomas Schaefer ដែលជារដ្ឋមន្ត្រីក្រសួងហិរញ្ញវត្ថុនៅរដ្ឋ Hesse ប្រទេសអាល្លឺម៉ង់ ត្រូវគេរាយការណ៏ថា បានធ្វើអត្តឃាតដោយសារតែការបារម្ភខ្លាំង អំពីបញ្ហាធ្លាក់ចុះនៃសេដ្ឋកិច្ចជាតិ ដោយសារវីរុសកូវីត-១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Schaefer ដែលមានអាយុ ៥៤ ឆ្នាំ ត្រូវបានគេប្រទះឃើញដេកស្លាប់នៅក្បែរកំណាត់ផ្លូវដែកមួយ កាលពីថ្ងៃសៅរ៍កន្លងទៅ។ ការិយាល័យរដ្ឋអាជ្ញានៃតុលាការទីក្រុង Wiesbaden បានឱ្យដឹងថា ពួកគេជឿថា លោក Thomas Schaefer បានស្លាប់ដោយសារការធ្វើអត្តឃាត។
អភិបាលរដ្ឋ Hesse លោក Volker Bouffier បាននិយាយនៅក្នុងសេចក្តីថ្លែងការណ៍មួយថា៖
យើងពិតជាមានការតក់ស្លុត ហើយយើងពិតជាក្រៀមក្រំណាស់ ដែលរឿងដ៏អាក្រក់មួយនេះបានកើតឡើង។
លោក Bouffier បានបន្តទៀតថា៖
យើងជឿជាក់ថា គាត់ពិតជាមានការព្រួយបារម្ភខ្លាំងអំពីបញ្ហាប្រទេសជាតិ ហើយវាច្បាស់ណាស់ថា នៅក្នុងអំឡុងពេលដ៏លំបាកបែបនេះ យើងពិតជាត្រូវការមនុស្សដូចគាត់។
គួរជាម្រាបផងដែរថា បើគិតមកដល់ពេលនេះ ប្រទេសអាល្លឺម៉ង់មានអ្នកឆ្លងវីរុសកូវីត-១៩ សរុប ៦២,៤៣៥ នាក់ ក្នុងនោះមាន ៥៤១ នាក់បានស្លាប់បាត់បង់ជីវិត ហើយ ៩,២១១ នាក់ផ្សេងទៀតបានទទួលការព្យាបាលជាសះស្បើយ៕
Bong I.T