មូលនីធិ ជែក ម៉ា និងមូលនីធិ អាលីបាបា មកដល់នៅប្រទេសកម្ពុជា ដើម្បីប្រយុទ្ធប្រឆាំងនឹងមេរោគកូវិដ ១៩

ភ្នំពេញ៖ ថ្ងៃទី២៨ខែមីនាឆ្នាំ២០២០ កញ្ចប់ធ្វើតេស្តដែលជាអំណោយប្រគល់ជូនដោយ មូលនីធិជែកម៉ា និងមូលនីធិអាលីបាបា បានមកដល់អាកាសយានដ្ឋានអន្តរជាតិភ្នំពេញ នាថ្ងៃសៅរ៍ដើម្បីគាំទ្រដល់កិច្ចខិតខំប្រឹងប្រែងរបស់កម្ពុជា ក្នុងការប្រយុទ្ធប្រឆាំងនឹងមេរោគរាតត្បាតកូវីដ១៩។ ថ្ងៃនេះ នៅក្នុងពិធីដែលធ្វើឡើងនៅថ្ងៃទី ២៨ ខែមីនា ដោយមានការចូលរួមដោយឯកឧត្តម វ៉ាង វិនធាន (Wang Wentian) ឯកអគ្គរដ្ឋទូតចិនប្រចាំនៅកម្ពុជា បានប្រគល់កញ្ចប់ធ្វើតេស្ត ឲ្យជាផ្លូវការដល់ឯកឧត្តមសាស្ត្រាចារ្យវេជ្ជបណ្ឌិត ម៉ម ប៊ុនហេង រដ្ឋមន្រ្តីក្រសួងសុខាភិបាលនៃប្រទេសកម្ពុជានៅឯទីស្តីការក្រសួងសុខាភិបាល។ ហើយក្រសួងសុខាភិបាលកម្ពុជានឹងបែងចែកឧបករណ៍ធ្វើតេស្តទាំងនេះទៅទូទាំងប្រទេសកម្ពុជា។

ឯកឧត្តមសាស្ត្រាចារ្យវេជ្ជបណ្ឌិត ម៉ម ប៊ុនហេង មានប្រសាសន៍ថា៖

តំណាងមូលនីធិ ជែក ម៉ា បានថ្លែងថា៖ 

អំណោយប្រគល់ជូនប្រទេសកម្ពុជាលើកនេះ គឺជាផ្នែកមួយនៃការប្តេជ្ញាចិត្តពីសំណាក់មូលនីធិទាំងនេះក្នុងការផ្តល់ជូននូវសម្ភារវេជ្ជសាស្រ្តទៅដល់ប្រទេសនៅអាស៊ីចំនួន ១០ប្រទេស ដែលទើបបានប្រកាសនៅថ្ងៃទី ២១ ខែមីនា ថ្មីៗនេះ។ ប្រទេសទាំង ១០នោះរួមមាន កម្ពុជា អាហ្គានីស្ថាន បង់ក្លាដេស ឡាវ ម៉ាល់ឌីវ ម៉ុងហ្គោលី មីយ៉ាន់ម៉ា នេប៉ាល់ ប៉ាគីស្ថាន និងស្រីលង្ការ។ ជារួមប្រទេសទាំង ១០នេះនឹងទទួលម៉ាសសរុបចំនួ​ន ១,៨ លានបន្ទះ, កញ្ចប់ធ្វើតេស្តចំនួន ២១០ ០០០ កញ្ចប់, និងសំលៀកបំពាក់ការពារខ្លួនចំនួន ៣៦ ០០០ សម្រាប់ ក៏ដូចជាឧបករណ៍វេជ្ជសាស្រ្តសំខាន់ៗដ៏ទៃទៀតដូចជា កង្ហារខ្យល់ និងទែរម៉ូម៉ែត្រវាស់កម្តៅថ្ងាស់។  

គិតត្រឹមពេលនេះ មូលនីធិទាំងពីរបានប្រគល់អំណោយជាសម្ភារវេជ្ជសាស្រ្តសារវ័ន្តសំខាន់ៗ ទៅដល់ប្រទេសចំនួន ២៣ ហើយ ដោយជាសរុបមានម៉ាស់ចំនួន ៧,៤ លានបន្ទះ, ឧបករណ៍ធ្វើតេស្តរកមេរោគចំនួន ៤៨៥ ០០០ កញ្ចប់, សំលៀកបំពាក់ការពារខ្លួនចំនួន ១០០ ០០០ សម្រាប់ និងឧបករណ៍វេជ្ជសាស្រ្តសំខាន់ៗជាច្រើន ទៀត។អំណោយទាំងនេះគឺជាផ្នែកមួយក្នុងចំណោមកិច្ចផ្តួចផ្តើមផ្តល់ជំនួយពីសំណាក់មូលនីធិ ជែកម៉ា និងមូលនីធិ អាលីបាបា ដើម្បីគាំទ្រដល់តំបន់នានានៅលើពិភពលោកដែលរងគ្រោះខ្លាំងបំផុតពីវិបត្តិកូវីដ ១៩។

អំណោយទាំងនេះរួមមានការយក និងប្រគល់សម្ភារវេជ្ជសាស្ត្រផ្សេងៗឲ្យទៅប្រទេស និងតំបន់នានានៅអាស៊ី, អាមេរិកខាងជើង, អាមេរិកឡាទីន, អ៊ឺរ៉ុប, និងអាហ្រ្វិក។

មូលនីធិទាំង ២ បានបោះពុម្ពផ្សាយ និងចែកចាយកូនសៀវភៅដែលណែនាំលម្អិតអំពីមេរៀន និងការអនុវត្តន៍ល្អៗពីមន្ទីរពេទ្យ First Affiliated Hospital, សាលាវេជ្ជសាស្រ្តនៃសាកលវិទ្យាល័យជឺជាំង (Zhejiang University School of Medicine), សម្រាប់អ្នកជម្ងឺមេរោគកូវីដ ១៩៖ https://covid-19.alibabacloud.com/

កិច្ចផ្តួចផ្តើមនិងអំណោយថ្មីៗជាច្រើនទៀតត្រួវបានគេរំពឹងថាមានចេញប្រកាសក្នុងរយៈពេលប៉ុន្មានថ្ងៃនិងប៉ុន្មានសប្តាហ៍ខាងមុខ៕