តៃវ៉ាន់៖ បើទោះបីជា ពេលវេលាកន្លង ហួសទៅ៥ខែទៅហើយ ចាប់តាំងពី តារាសម្តែង និងជាតារាម៉ូដែល កូនកាត់កាណាដា-តៃវ៉ាន់ Godfrey Gao បានទទួលមរណភាពភ្លាមៗ ដោយសារជំងីគាំងបេះដូង តែអ្វីៗហាក់ដូចជាកើតឡើងលឿនខ្លាំងពេក ដែលរហូតមកដល់ពេលនេះ ទាំងក្រុមគ្រួសារ មិត្តភក្តិ ជាពិសេស មិត្តស្រីរបស់លោក នៅតែមិនដាច់អាល័យ និងនៅតែនឹកនា ដល់រូបលោក ជាខ្លាំងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង កាលពីពេលថ្មីៗនេះ គេបានឃើញBella ដែលជាមិត្តស្រីរបស់តារាប្រុស Godfrey Gao បានបង្ហោះចែករំលែក រូបថតជាច្រើន ជាមួយមិត្តភក្តិរបស់នាង។ អ្វីដែលគួរឱ្យ កត់សម្គាល់ និងក្ដុកក្ដួលបំផុតនោះគឺ ជារូបភាពដែលនាង បានថតជាមួយមិត្តប្រុស នាពេលកន្លងមក។ បន្ទាប់ពី បានឃើញរូបដែលBella បានចែករំលែកទាំងនោះហើយ អ្នកគាំទ្រជាច្រើន បាននាំគ្នាចែករំលែក និងជូនពរដល់រូបនាង សង្ឃឹមថាBella អាចរីករាយ ក្នុងការបន្តដំណើរទៅមុខទៀត។
ជាការពិតដូចដែល អ្នកគ្រប់គ្នាបានដឹងGodfrey Gao គឺជាមិត្តប្រុសម្នាក់ ដែលផ្អែមល្ហែម សុភាពរាបសារ តែងតែយកចិត្ត ទុកដាក់ពីមិត្តស្រី ចំណុចទាំងអស់នេះហើយ ដែលធ្វើឲ្យBella ស្ទើតែមិនអាច បំភ្លេចលោកបាន រហូតមកដល់ពេលនេះ។
គួរបញ្ជាក់ផងដែរថា មុនពេលដែលGodfrey Gao មានរឿងកើតឡើង អ្នកទាំងពីរ ក៏ធ្លាប់មានគម្រោងថា រៀបការនឹងគ្នា នៅចុងឆ្នាំ២០១៩ ទៅហើយ។ តែអ្វីដែលនឹកស្មាន មិនដល់នោះគឺGodfrey Gao ស្រាប់តែ គាំងបេះដួង ក្នុងពេលដែលកំពុងតែ ចូលរួមក្នុងកម្មវិធីទូរទស្សន៍មួយ និងបានទទួលមរណភាពភ្លាមៗ ដែលបានធ្វើឲ្យពិធីមង្គលការ មិនអាចបន្តរៀបចំ ទៅតាមការគ្រោងទុកផងដែរ៕
Bong I.T