តាំងពីមានការផ្ទុះវីរុស COVID-19 កាលពីខែធ្នូមក និងមានការឆ្លងរាតត្បាតកាន់តែច្រើនឡើងតាមបណ្ដាប្រទេសនានាធ្វើឲ្យមនុស្សមានភាពភ័យខ្លាចកាន់តែខ្លាំងឡើង។ ជាពិសេសការព្រួយបារម្ភថាអាចនឹងឆ្លងវីរុសនេះ។ ការគ្រប់គ្រងភាពភ័យខ្លាចអាចជួយដល់ខ្លួនយើង ក៏ដូចជាមនុស្សជាទីស្រលាញ់របស់យើង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. មនុស្សដែលអាចមានប្រតិកម្មខ្លាំងទៅនឹងស្ត្រេសអំឡុងពេលវីរុស COVID-19 រាតត្បាត
- អ្នកមានវ័យចំណាស់ ឬអ្នកមានជំងឺរ៉ាំរ៉ៃដែលមានហានិភ័យខ្ពស់ក្នុងការឆ្លងជំងឺវីរុស COVID-19
- កុមារ និងក្មេងវ័យជំទង់
- ក្រុមគ្រូពេទ្យ និងអ្នកផ្តល់សេវាកម្មសុខភាព
- អ្នកដែលមានបញ្ហាផ្លូវចិត្ត។
២. ស្ត្រេសដែលអាចកើតមានអំឡុងពេលវីរុសនេះរាតត្បាតមាន
- ភាពភ័យខ្លាច និងបារម្ភពីសុខភាពផ្ទាល់ខ្លួន រួមទាំងគ្រួសារផងដែរ
- ការផ្លាស់ប្តូរទម្លាប់ការញ៉ាំ និងការគេង
- ពិបាកក្នុងការគេង
- ស្ថានភាពជំងឺរ៉ាំរ៉ៃកាន់តែធ្ងន់ធ្ងរ
- បង្កើនការផឹកគ្រឿងស្រវឹង ជក់បារី និងប្រើប្រាស់ថ្នាំញៀន។
៣. វិធីជួយខ្លួនឯងក្នុងការគ្រប់គ្រងភាពតានតឹង
- បន្ថយការមើល ការអាន និងការស្តាប់ព័ត៌មានអំពីជំងឺរាតត្បាតនេះ ជាពិសេសបន្ថយការប្រើប្រាស់បណ្ដាញសង្គម
- គួរអានព័ត៌មាន និងវិធីការពារពីប្រភពដែលគួរឲ្យទុកដាក់
- ថែរក្សាសុខភាពដោយញ៉ាំឲ្យបានគ្រប់គ្រាន់ ហាត់ប្រាណជាប្រចាំ គេងឲ្យបានគ្រប់គ្រាន់ និងចៀសវាងការប្រើប្រាស់គ្រឿងស្រវឹង និងគ្រឿងញៀន
- ធ្វើនូវសកម្មភាពដែលអាចជួយដល់ការគ្រប់គ្រងអារម្មណ៍របស់យើង
- និយាយជាមួយមនុស្សដែលយើងទុកចិត្តអំពីការព្រួយបារម្ភរបស់យើង។
សម្រាប់អ្នកដែលមានបញ្ហាផ្លូវចិត្តពីមុនមកគួរបន្តការព្យាបាល និងយកចិត្តទុកដាក់ទៅរោគសញ្ញាថ្មីៗដែលកើតមាន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet