ករណីកម្របំផុត មានទារកម្នាក់ស្លាប់ដោយសារកូវីដ ១៩ នៅសហរដ្ឋអាមេរិក

សហរដ្ឋអាមេិក៖ ទារកជនជាតិអាមេរិកម្នាក់បានស្លាប់ដោយសារកូវីដ១៩ ដែលធ្វើឲ្យករណីនេះជាករណីកម្របំផុត នៅក្នុងប្រវត្តិសាស្ត្រនៃជំងឺរាតត្បាត។

នៅសន្និសីទសារព័ត៌មានមួយ លោកអភិបាល JB Pritzker បាននិយាយថា ទារកម្នាក់បានក្លាយជាជនរងគ្រោះនៃជំងឺថ្មីនេះក្នុងរយៈពេល ២៤ ម៉ោងចុងក្រោយ។​ ហើយទារកនេះ មានអាយុមិនដល់មួយឆ្នាំផង ដែលត្រូវបានគេធ្វើតេស្តឃើញជំងឺកូវីដ១៩។

តាមការស្រាវជ្រាវ បានឲ្យដឹងថាជំងឺនេះប៉ះពាល់ធ្ងន់ធ្ងរចំពោះតែមនុស្សចាស់ភាគច្រើន ហើយការដែលទារកនេះស្លាប់ ជាករណីភ្ញាក់ផ្អើល និងកម្រកើតមានឡើងណាស់។

គួរបញ្ជាក់ផងដែរថា សហរដ្ឋអាមេរិកមានអត្រាអ្នកឆ្លងច្រើនជាងគេ គឺលើស ១២ម៉ឺននាក់ហើយ ហើយអ្នកស្លាប់មានជាង ២០០០ នាក់់ ក្នុងរយៈពេល ២៤ម៉ោងចុងក្រោយ (គិតត្រឹមពេលថ្ងៃត្រង់ថ្ងៃសៅរ៍) មានអ្នកស្លាប់ថ្មីចំនួនដល់ទៅ ៤៥០នាក់៕