ញូយ៉ក៖ គិលានុបដ្ឋាយិកាធ្វើការនៅបន្ទប់សង្គ្រោះបន្ទាន់ Mount Sinai West ឈ្មោះ Kious Kelly ភេទប្រុស អាយុ ៤៨ឆ្នាំ បានស្លាប់កាលពីថ្ងៃអង្គារ ដោយសារជំងឺបង្កឡើងដោយកូរូណាវីរុសថ្មី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្អូនស្រីរបស់គាត់ឈ្មោះ Marya Patrice Sherron បានប្រាប់អ្នកសារព័ត៌មានថា បងប្រុសរបស់នាងមានជំងឺហឺតប្រចាំកាយ តែគាត់មិនដែលមានបញ្ហាធ្ងន់ធ្ងរទេ។ នាងបានសរសេរក្នុងហ្វេសប៊ុករបស់នាងថា “បងជាបងប្រុសដែលល្អបំផុតរបស់ប្អូន”។
នាងបានបន្តទៀតថា បងប្រុសរបស់នាងបានផ្ញើសារមកនាងកាលពីថ្ងៃពុធអាទិត្យមុន ថាគាត់មានផ្ទុកកូវីដ១៩ និងកំពុងសម្រាកព្យាបាល។ គាត់បានសរសេរថា “បងមិនអីទេ សូមកុំប្រាប់ប៉ា និងម៉ាក់ គាត់នឹងបារម្ភពីបងមិនខាន”។
នៅទីក្រុងញូយ៉ក ករណីកូវីដ១៩ កើតមានយ៉ាងតិច ២៣១១២ ករណី បើគិតត្រឹមល្ងាចថ្ងៃព្រហស្បត្តិ៍ ហើយមាននាក់ស្លាប់ដល់ទៅ ៣៦៥ នាក់៕
Bong I.T