ដោយសារជម្ងឺ Covid-១៩? សេះប្រណាំងរាប់សិបក្បាលបានងាប់នៅកូរ៉ាត

ថៃ៖ យ៉ាងហោចណាស់មានសេះប្រណាំងចំនួន ៤២ ក្បាលបានងាប់ដោយសារជម្ងឺម្យ៉ាងដែលក្រុមពេទ្យសត្វសង្ស័យថាជាករណីដំបូងនៃជម្ងឺសេះនៅអាហ្វ្រិក។ លោក Pasawee Somjai ជាពេទ្យសត្វនៅការិយាល័យមន្ទីរអភិវឌ្ឍន៍បសុសត្វខេត្តបាននិយាយថា សត្វដែលងាប់ទាំងនេះត្រូវបានគេរកឃើញក្នុងអំឡុងពេលត្រួតពិនិត្យក្រោលសេះមួយនៅក្នុងស្រុកប៉ាកជុង (Pak Chong)។

លោកមិនបានផ្តល់ព័ត៌មានលម្អិតអំពីក្រោលសេះឬទីតាំងរបស់ពួកគេឬនៅពេលដែលការស្លាប់បានកើតឡើងឡើយ។ លោកបាននិយាយថាគំរូពីគ្រោងឆ្អឹងត្រូវបានបញ្ជូនទៅធ្វើកោសល្យវិច័យលម្អិតនៅវិទ្យាស្ថានជាតិសុខភាពសត្វ។ ជម្ងឺសេះអាហ្រ្វិកគឺជាជំងឺដ៏សាហាវមួយដែលមានដើមកំណើតនៅទ្វីបអាហ្វ្រិក។ ដែលភាគច្រើនវាវាយប្រហារទៅលើសេះ និងសត្វលាដែលជាសត្វសម្រាប់ដឹកជញ្ជូន។

វីរុសនេះវាយប្រហារសួត និងប្រព័ន្ធដកដង្ហើមយ៉ាងឆាប់រហ័ស ហើយអាចសម្លាប់សេះបានក្នុងរយៈពេលប៉ុន្មានម៉ោងតែប៉ុណ្ណោះ។ លោក Pasawee បាននិយាយថាសេះដែលងាប់ទាំងអស់នៅក្នុងខេត្តត្រូវបានកប់ដើម្បីការពារការរីករាលដាលនៃជម្ងឺនេះដល់សត្វដទៃទៀត។

ការងាប់នេះអាចកើតឡើងមុនថ្ងៃព្រហស្បតិ៍ ខណៈសហព័ន្ធជិះសេះថៃបានចេញលិខិតមួយចុះថ្ងៃទី ២៦ ខែមីនា ណែនាំដល់សមាជិកទាំងអស់ឲ្យបញ្ឈប់ការជិះសេះទាំងនោះចេញពីតំបន់របស់ពួកគេដើម្បីទប់ស្កាត់ការរីករាលដាលនៃជម្ងឺសេះអាហ្រ្វិកនេះ។ លិខិតនោះត្រូវបានចេញបន្ទាប់ពីសហព័ន្ធត្រូវបានជូនដំណឹងអំពីការងាប់ភ្លាមៗ នៃសត្វសេះនៅតាមក្រោលជាច្រើននៅផ្នែកខ្លះនៃតំបន់ភាគឦសាន៕