អង់គ្លេស៖ អ្នកចាត់ការទូទៅរបស់ Manchester City លោក Pep Guardiola ត្រូវបានរាយការណ៍មកថា នៅទីផ្សាររដូវក្ដៅខាងមុខ លោកចាប់អារម្មណ៍ចង់បានរនាំងការពាររបស់ Juventus កីឡាករ Leonardo Bonucci។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្លិបជើងឯកក្របខណ្ឌ Premier League រដូវកាលមុនរំពឹងថាយ៉ាងហោចណាស់ក៏អាចនាំយកកីឡាករថ្មីលេងក្នុងតួនាតីខ្សែការពារកណ្ដាលម្នាក់ដែរនៅទីផ្សាររដូវក្ដៅ សម្រាប់ពង្រឹងក្រុមនៅរដូវកាលក្រោយ ២០២១-២០២២។
លោក Pep ហាក់ឈឺក្បាលខ្លាំងក្រោយ John Stones និង Nicolas Otamendi រ៉ាប់រងការងាធ្ងន់នៅតំបន់ខាងក្រោមរបស់ Man City ក្នុងរដូវកាលនេះ ខណៈ Aymeri Laporte មានបញ្ហារបួសជង្គង់រយៈពេលយូរ ចំណែកឯ Fernandinho ក៏របួសដូចគ្នាដែរ។
បើតាមការចុះផ្សាយរបស់កាសែត Calciomercato លោក Pep Guardiola បានសម្លឹងឃើញខ្សែការពារសំខាន់របស់ Juventus កីឡាករ Bonucci ក្នុងការនាំយកជម្រើសជាតិអ៊ីតាលីរូបនេះមកលេងនៅកីឡដ្ឋាន Etihad។
កីឡាករវ័យ៣២ឆ្នាំបានផ្លាស់ពី Juventus ទៅចូលរួមជាមួយ AC Milan កាលពីរដូវក្ដៅឆ្នាំ២០១៧ ហើយបានត្រឡប់មកកាន់ទីក្រុង Turin វិញនៅឆ្នាំបន្ទាប់។ សម្រាប់កិច្ចសន្យារបស់កីឡាករជម្រើសជាតិអ៊ីតាលី និងក្លិបជើងឯកអ៊ីតាលីនឹងផុតកំណត់នៅរដូវក្ដៅឆ្នាំ២០២៤។
គួរឲ្យដឹងផងដែរថា សម្រាប់រដូវកាលនេះ ក្រោមការដឹកនាំរបស់លោក Maurizio Sarri កីឡាករ Leonardo Bonucci ចូលលេងឲ្យ Juventus បានចំនួន៣៤ប្រកួត៕
ប្រភព៖ SportsMole