បរទេស៖ ក្រុមអ្នកជំនាញដែលបានធ្វើកោសល្យវិច័យលើសាកសពអ្នកជំងឺកូរ៉ូណាចំនួន ២៩នាក់ បានបង្ហាញថា វីរុសនេះនៅតែបន្តរស់នៅក្នុងសួត បើទោះបីអ្នកជំងឺស្លាប់ក៏ដោយ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Wang Guiqiang ដែលជាប្រធាននាយកដ្ឋានជំងឺឆ្លងនៃមន្ទីរពេទ្យ Beijing University Hospital ប្រទេសចិនបាននិយាយថា៖
នៅពេលដែលវីរុសកូរ៉ូណាចូលដល់ក្នុងខ្លួនអ្នកជំងឺ វានឹងសំដៅទៅរកសួតមុនគេ បន្ទាប់មកទៀតវានឹងចាប់ផ្តើមធ្វើឱ្យប្រព័ន្ធភាពស៊ាំចុះខ្សោយ ហើយបន្តទៅបំផ្លាញសរីរាង្គសំខាន់ៗដូចជា បេះដូង ថ្លើម និងតម្រងនោម។
លោក Guiqiang បាននិយាយទៀតថា៖
នៅពេលដែលប្រព័ន្ធភាពស៊ាំចុះខ្សោយ លទ្ធភាពនៃការឆ្លងបាក់តេរី មេរោគផ្សិតនឹងកើនឡើង ហើយអ្នកជំងឺដែលស្ថិតក្នុងស្ថានភាពធ្ងន់ធ្ងរ គឺប្រឈមនឹងការស្លាប់ខ្ពស់បំផុត ដោយសារជំងឺច្រើនទៀតអាចឆ្លងចូលបានយ៉ាងងាយ។
គួររម្លឹកផងដែរថា វីរុសកូរ៉ូណាឬកូវីត-១៩ ត្រូវបានគេរកឃើញដំបូងគេ នៅក្នុងទីក្រុងវូហានខេត្តហ៊ូប៉ីប្រទេសចិនកាលពីខែធ្នូ ហើយចាប់តាំងពីពេលនោះមក វីរុសនេះបានឆ្លងរាលដាលដល់ជាង ១៩០ ប្រទេសនៅទូទាំងពិភពលោក ដោយក្នុងនោះ មានមនុស្សជាង ៥៣៦,៦១៧ នាក់បានឆ្លងវីរុសនេះ ហើយអ្នកជំងឺប្រមាណ ២៤,១១៨ នាក់បានស្លាប់បាត់បង់ជីវិតរួចទៅហើយ៕
Bong I.T