អ្នកចាត់ការទូទៅក្លឹប Everton លោក Carlo Ancelotti កំពុងព្យាយាមធ្វើឱ្យមានការជួបជុំគ្នាម្តងទៀតជាមួយកូនសិស្សចាស់ម្នាក់ដែលធ្លាប់ធ្វើការជាមួយគ្នានៅក្លឹប Napoli របស់លីគកំពូលអ៊ីតាលី គឺខ្សែបម្រើ Allan។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងរបាយការណ៍របស់សារព័ត៌មានល្បីរបស់អ៊ីតាលី CalcioMercato បានឱ្យដឹងថា ខ្សែបម្រើកណ្តាលជម្រើសជាតិប្រេស៊ីលវ័យ ២៩ឆ្នាំ នៅសល់កិច្ចសន្យាជាមួយក្លឹប Napoli រហូតដល់បញ្ចប់រដូវកាល ២០២៣ ប៉ុន្តែក្លឹបអាចនឹងអនុញ្ញាតឱ្យរូបគេចាកចេញ ប្រសិនបើមានការចរចាណាមួយសមស្រប ខណៈដែលកីឡាកររូបនេះ មានតម្លៃខ្លួនក្នុងទីផ្សារប្រមាណ ៤០លានផោន។
ក្លឹប Everton បានតាមដានស្ថានភាពរបស់កីឡាកររូបនេះ និងកំពុងរៀបចំសំណើដ៏ពិតប្រាកដមួយសម្រាប់សំណព្វចិត្តរបស់ លោក Carlo Ancelotti ដែលលោកធ្លាប់បានដឹកនាំកាលនៅកីឡដ្ឋាន Stadio San Paolo។
សូមជម្រាបផងដែរថា Allan បានចូលរួមជាមួយក្លឹប Napoli កាលពីរដូវកាល ២០១៥-២០១៦ ពីក្លឹប Udinese ក្នុងតម្លៃ ១១.៥លានផោន។ រហូតមកដល់ពេលនេះ រូបគេបានបង្ហាញខ្លួនសរុបឱ្យក្លឹប Napoli ចំនួន ២០៣ ប្រកួត រកគ្រាប់បាល់បានចំនួន ១០គ្រាប់ និងបញ្ជូនបាល់បាន ១៦គ្រាប់ផងដែរ៕
ប្រភព៖ Goal