តាមពិត វីរបុរសដែលហ៊ាន យកជីវិតប្រថុយនឹងភ្លើងឆេះផ្ទះម្សិលមិញ ជាតារាសម្តែងម្នាក់នេះ

ភ្នំពេញ៖ កាលពីម្សិលមិញនេះ ថ្ងៃទី ២៥ ខែមីនា ឆ្នាំ ២០២០ ស្រាប់តែមានហេតុការណ៍អគ្គីភ័យឆាបឆេះផ្ទះរបស់បងប្អូនប្រជាពលរដ្ឋ នៅសង្កាត់ផ្សារដេប៉ូទី ២ ខណ្ឌទួលគោក រាជធានីភ្នំពេញ នៅវេលាម៉ោង ៥​ល្ងាចផងដែរ។

នៅក្នុងហេតុការណ៍ដ៏រន្ធត់នេះ តារាសម្ដែងប្រុសដ៏ល្បីឈ្មោះ ព្រមទាំងជាប៉ូលីស លោក ជិន ស៊ីណារ៉ាក់ បានចុះទៅជួយយកជនរងគ្រោះ ចេញពីការឆាបឆេះអគ្គីភ័យដោយផ្ទាល់ ដោយមិនខ្លាចអ្វីទាំងអស់។

ទង្វើរដ៏ល្អរបស់លោកបែបនេះ បានធ្វើឲ្យប្រជាពលរដ្ឋជាច្រើន មានមោទនភាព ព្រមទាំងកោតសរសើរចំពោះទឹកចិត្តដ៏ល្អប្រពៃមួយនេះ ដែលលោកបានធ្វើចំពោះប្រជាពលរដ្ឋ និងសង្គម ក្នុងនាមជាប៉ូលីសដ៏គំរូម្នាក់ផងដែរ។ មិនត្រឹមតែប៉ុណ្ណោះនៅក្នុងនោះ មហាជនជាច្រើនក៏បានធ្វើការស៊ែរព្រាងព្រាត ជាមួយនឹងសកម្មភាពដ៏ល្អរបស់លោក ពេញហ្វេសប៊ុក ជាមួយនឹងពាក្យពេចន៍សរសើរ៕

ចង់ជ្រាបច្បាស់ សូមទស្សនារូបភាពខាងក្រោម៖