ម៉ាឌ្រីត៖ មនុស្សយ៉ាងហោចណាស់ ៧៣៨ នាក់ បានស្លាប់បាត់បង់ជីវិតដោយជំងឺកូវីត-១៩ នៅប្រទេសអេស្ប៉ាញកាលពីថ្ងៃពុធមិ្សលមិញនេះ ដែលធ្វើឱ្យតួលេខអ្នកស្លាប់បានកើនឡើងសរុប ៣,៦៤៧ នាក់។ នេះបើយោងតាមការផ្សាយរបស់ទីភ្នាក់ងារសារព័ត៌មាន Reuters ថ្ងៃទី ២៦ ខែ មីនា ឆ្នាំ ២០២០ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ដោយសារតែចំនួនអ្នកស្លាប់ចេះតែបន្តកើនឡើង ពេលនេះអេស្ប៉ាញបានក្លាយជាប្រទេសទី ២ បន្ទាប់ពីអ៊ីតាលីដែលមានចំនួនអ្នកស្លាប់ដោយជំងឺ-១៩ ច្រើនជាងគេបំផុតនៅទូទាំងពិភពលោក។ ក្រុមគូ្រពេទ្យនិងគិលានុបដ្ឋាយិកានៅទូទាំងប្រទេសអេស្ប៉ាញគឺកំពុងជួបការលំបាកយ៉ាងខ្លាំង ហើយទីលានជិះស្គីទឹកកកមួយនៅទីក្រុងម៉ាឌ្រីត ត្រូវបានប្រែក្លាយជាទីកន្លែងដាក់សពរបស់អ្នកជំងឺ-១៩បណ្តោះអាសន្ន។
គួរឱ្យដឹងដែរថា កាលពីម្សិលមិញនេះ ប្រទេសអេស្ប៉ាញបានរកឃើញអ្នកឆ្លងជំងឺកូវីត-១៩ថ្មីចំនួន ៧,៤៥៧ បន្ថែមទៀត ដែលធ្វើឱ្យចំនួនសរុបឡើងដល់ ៤៩,៥១៥ នាក់ តាមពីក្រោយសហរដ្ឋអាមេរិក៕
សូមទស្សនាវីដេអូខាងក្រោម៖
Bong I.T