កូវីដ១៩៖ កម្ពុជាបន្តបិទបៀរហ្កាឌិន បន្ទាប់ពីបិទខារ៉ាអូខេ និងរោង​ភាពយន្ត

ក្រសួងទេសចរណ៍កម្ពុជា នៅថ្ងៃទី២៥ ខែមីនានេះ បានជូនដំណឹងទៅអភិបាលរាជធានី-ខេត្តទាំងអស់ ទូទាំង​ប្រទេស​ឲ្យបិទ​អាជីវកម្ម​បៀរហ្កាឌិន​តាមមូលដ្ឋានរបស់ខ្លួនជាបណ្តោះអាសន្នសិន ចាប់ពីថ្ងៃទី២៥ ខែមីនាតទៅ ដើម្បីចូលរួម​បង្ការ និងទប់ស្កាត់ការរីករាលដាលនៃជំងឺកូវីដ១៩ ក្នុងប្រទេសកម្ពុជា។

ជាការកត់សម្គាល់ មុនសម្រេចបិទបៀរហ្កាឌិន អាជ្ញាធរពាក់ព័ន្ធបានបិទខារ៉ាអូខេ និងរោងភាពយន្តមួយរយៈ​រួចទៅហើយ។ ហើយការបិទជាបណ្តោះអាសន្ននេះ ធ្វើឡើងក្រោយកម្ពុជា មានករណីឆ្លងចំនួន៩៣នាក់ ដោយ​ក្នុងនោះមាន៦នាក់បានជាសះស្បើយវិញ គិតត្រឹមរសៀល​ថ្ងៃ២៥មីនា ២០២០នេះ៕