អូស្ដ្រាលី៖ ប្រទេសអូស្ដ្រាលីបានហាមឃាត់ការធ្វើដំណើរទៅក្រៅប្រទេស និងបានពង្រឹងការរឹតបន្តឹងផ្នែកសង្គម ដើម្បីដោះស្រាយការរីករាលដាលនៃវីរុសកូរ៉ូណាប្រភេទថ្មី នេះបើយោងតាមប្រសាសន៍របស់នាយករដ្ឋមន្ត្រីអូស្ត្រាលី លោក Scott Morrison នៅថ្ងៃអង្គារ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Morrison បាននិយាយថា៖ «យើងនឹងរស់នៅជាមួយវីរុសនេះ យ៉ាងហោចណាស់ប្រាំមួយខែ»។ លោកបានបញ្ជាក់បន្ថែមទៀតថា៖ «អាទិភាពចម្បងគួរតែកំណត់ ទៅលើវិធានការឃ្លាតឆ្ងាយពីសង្គម»។
ដើម្បីទទួលបានលទ្ធផល នាយករដ្ឋមន្ត្រីបានបង្ហាញពីវិធានការឃ្លាតឆ្ងាយពីសង្គម ដែលគួរតែរឹតបន្តឹង រួមមានពិធីមង្គលការដែលមានអ្នកចូលរួមច្រើនបំផុត មិនលើសពីប្រាំនាក់ និងពិធីបុណ្យសពដែលមានមនុស្សចូលរួម មិនលើសពីដប់នាក់ ដោយមនុស្សម្នាក់ៗ ស្ថិតក្នុងចម្ងាយបួនម៉ែត្រក្រឡាពីគ្នា។
អូស្ត្រាលីបានរាយការណ៍ថា មានករណីឆ្លងថ្មីចំនួន ៤២៩ នាក់នៃវីរុសកូរ៉ូណាប្រភេទថ្មី នៅថ្ងៃពុធនេះ ដោយចំនួនករណីឆ្លងសរុបបានឡើងទៅដល់ ២,២៥២ ករណីដែលក្នុងនោះមានមនុស្ស ៨ នាក់បានស្លាប់ នេះបើយោងតាមនាយកដ្ឋានសុខាភិបាលរបស់ប្រទេសនេះ៕