ប៉ារីស៖ រដ្ឋមន្ត្រីសុខាភិបាលបារាំងបានរាយការណ៍ថា មនុស្សយ៉ាងហោចណាស់ ១៨៦ នាក់ បានស្លាប់ដោយជំងឺកូវីត-១៩ កាលពីថ្ងៃច័ន្ទ ដែលធ្វើឱ្យតួលេខអ្នកស្លាប់បានកើនឡើងសរុប ៨៦០ នាក់ ឬ ២៨ ភាគរយ ដោយចំនួននេះបានកើនឡើងយ៉ាងខ្លាំងក្នុងរយៈពេលបីថ្ងៃចុងក្រោយ។ នេះបើយោងតាមការផ្សាយរបស់ទីភ្នាក់ងារសារព័ត៌មាន Reuters។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
រដ្ឋមន្ត្រីសុខាភិបាលលោក Olivier Veran បានប្រាប់ក្រុមអ្នកព័ត៌មានថា៖
ចំនួនករណីអ្នកឆ្លងជំងឺកូវីត-១៩ បានកើនដល់ ១៩,៨៥៦ នាក់ ដែលតួលេខនេះបានឡើងប្រមាណ ២០% ក្នុងរយៈពេល ២៤ ម៉ោង។
លោក Veran បានបន្ថែមទៀតថា៖
អ្នកជំងឺកូវីត-១៩ ចំនួន ២,០៨២ នាក់ ដែលកំពុងស្ថិតក្នុងស្ថានភាពធ្ងន់ធ្ងរបានកើនឡើង ១៩ ភាគរយ បើប្រៀបធៀបទៅនឹងថ្ងៃអាទិត្យ។
គួរជម្រាបផងដែរថា ខណៈពេលដែលស្ថានភាពជំងឺកូវីត-១៩បានរាតត្បាតខ្លាំងឡើងៗ ប្រធានាធិបតីបារាំងលោក Emmanuel Macron បានចាត់វិធានការណ៍យ៉ាងតឹងរឹង ដោយក្នុងនោះលោកបានប្រកាសឱ្យបិទ សាលារៀន មហាវិទ្យាល័យ សាកលវិទ្យាល័យ និងកន្លែងកម្សាន្តទាំងអស់។ លើសពីនេះទៀត ប្រធានាធិបតីបារាំងរូបនេះ ក៏បានប្រកាសបិទព្រំដែនជាមួយប្រទេសជិតខាងដែរ គឺធ្វើយ៉ាងណាដើម្បីអាចទប់ស្កាត់ការឆ្លងរាលដាលនៃជំងឺដ៏កាចសាហាវនេះបាន៕
Bong I.T