សម្តេចហ៊ុន សែន បានដាក់ចេញនូវវិធានការឱ្យរដ្ឋបាល និងមន្ទីរសុខាភិបាលតាមខេត្តទាំងអស់ ជ្រើសរើសអគាររបស់សាលារៀន ដើម្បីធ្វើជាកន្លែងត្រៀមបង្ការចាំទទួលអ្នកជំងឺ បណ្តាលមកពីវីរុស Covid-19។ វិធានការនេះ ដោយរដ្ឋាភិបាលតម្រូវមានការបំពាក់សម្ភារៈបរិក្ខារពេទ្យ បណ្តាញទឹក និងភ្លើងឱ្យបានរួចរាល់។ នេះបើតាមការផ្សាយដោយហ្វេសប៊ុកផ្លូវការរបស់ទូរទស្សន៍ BTV។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការកត់សម្គាល់ វិធានការរបស់សម្តេចនាយករដ្ឋមន្រ្តីយ៉ាងដូច្នេះ ធ្វើឡើងក្រោយកម្ពុជាបានធ្វើតេស្តរកឃើញករណីឆ្លងកូវីដ១៩ ជាបន្តបន្ទាប់។
គូសបញ្ជាក់ថា គិតមកដល់ព្រឹកថ្ងៃ ២៣មីនានេះ កម្ពុជាមានករណីឆ្លង COVID-19 សរុប៨៤ករណី ដែលក្នុងនោះមានប្រុស៦៣នាក់ ស្រី២១នាក់។ ក្នុងចំណោមជនបរទេស បារាំងក្លាយជាចំនួនដែលច្រើនជាងគេ ហើយបន្ទាប់មកមានម៉ាឡេស៊ី និងអង់គ្លេស។
ហើយក្នុងចំណោម៨៤ករណី បរទេសមាន៥១នាក់ និងខ្មែរ៣៣នាក់។ ២ករណីហើយដែលត្រូវបានព្យាបាលសះស្បើយ ក្នុងនោះមានករណីដំបូងនៅខេត្តព្រះសីហនុ ដែលជាបុរសជនជាតិចិនពីក្រុងវូហាន និងករណីស្ត្រីអង់គ្លេសពីនាវា Viking Cruise Journey ប្រភពពីហូជីមិញ និងសំចតនៅកំពង់ចាម៕