គូឡាឡាំពួរ៖ ប្រទេសម៉ាឡេស៊ីទើបតែបានរកឃើញអ្នកឆ្លងវីរុសកូរ៉ូណាថ្មីចំនួន ១២៣ នាក់ កាលពីថ្ងៃអាទិត្យមិ្សលមិញនេះ ដែលធ្វើឱ្យតួលេខអ្នកឆ្លងសរុបបានកើនឡើងដល់ ១,៣០៦ នាក់។ នេះបើយោងតាមទីភ្នាក់ងារព័ត៌មាន Reuters ចេញផ្សាយនៅថ្ងៃសៅរ៍ ទី ២៣ ខែ មីនា ឆ្នាំ២០២០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្រសួងសុខាភិបាលរបស់ប្រទេសម៉ាឡេស៊ីបាននិយាយថា៖
ក្នុងចំណោមករណីឆ្លងទាំង ១២៣ ករណី មាន ៣៤ ករណីគឺជាប់ទាក់ទងនឹងអ្នកដែលបានចូលរួមក្នុងពិធីបែបសាសនាដ៏ធំមួយ ដែលបានធ្វើឡើងកាលពីទី ២៧ ខែ កុម្ភៈ នៅក្នុងទីក្រុងគូឡាឡាំពួរ។
គួរជម្រាបផងដែរថា ម៉ាឡេស៊ីគឺជាប្រទេសដែលមានតួលេខអ្នកឆ្លងជំងឺកូវីត-១៩ច្រើនជាងគេបំផុតប្រចាំតំបន់អាស៊ាន ហើយរហូតមកដល់ពេលនេះ ម៉ាឡេស៊ីមានអ្នកស្លាប់ដោយជំងឺកូវីត-១៩ សរុបចំនួន ១០ នាក់ ខណៈអ្នកជំងឺ ១៣៣ នាក់ផ្សេងទៀត គឺបានទទួលការព្យាបាលជាសះស្បើយ៕
Bong I.T