ភ្នំពេញ៖ ក្នុងពេលបច្ចុប្បន្ននេះ ប្រទេសកម្ពុជាកំពុងតែមាន ការកើនឡើងនៃចំនួន អ្នកដែលមានផ្ទុក នូវវីរុសCOVID-19 កាន់តែច្រើនឡើង ពីមួយថ្ងៃទៅមួយថ្ងៃ ដែលជាបញ្ហាមួយដែល គួរមានការបារម្ភបំផុត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ដើម្បីបញ្ជាក់ពីចំណងមិត្តភាព និងការជួយយកអសារគ្នា រវាងប្រទេសចិន និងប្រទេសកម្ពុជា រដ្ឋាភិបាលនៃប្រទេសចិន បានសម្រេចចាត់បញ្ជូន ក្រុមគ្រូពេទ្យស្ម័គ្រចិត្តចំនួន៧នាក់ តាមយន្តហោះពិសេស ដែលមានដឹកសម្ភារៈពេទ្យ មកកម្ពុជា ដើម្បីមកជួយជាកម្លាំង និងធ្វើការបង្ហាត់បង្រៀនបន្ថែមទៀត ដល់គ្រូពេទ្យកម្ពុជា ក្នុងការប្រយុទ្ធប្រឆាំង ជាមួយនឹងវីរុសCOVID-19។ បន្ទាប់ពីប្រទេសចិន បានប្រកាសពីភាពជោគជ័យរបស់ខ្លួន លើការគ្រប់គ្រងនៃវីរុសCOVID-19 និងអាចធ្វើឲ្យមិនមាន នៅការរីករាលដាលបន្ថែមទៀត នៅក្នុងប្រទេសរបស់ខ្លួនរួចមក។
ជាក់ស្តែងមុននេះបន្តិច នៅក្នុងព្រឹកថ្ងៃទី២៣ ខែមីនានេះ នៅវេលាម៉ោងប្រហែលជា៩ៈ០០នាទី ក្រុមគ្រូពេទ្យស្ម័គ្រចិត្ត និងសម្ភារៈពេទ្យជាច្រើន ដែលដឹកមកពីប្រទេសចិន បានមកដល់ប្រទេសកម្ពុជាហើយ ក្រោមវត្តមានរដ្ឋមន្ត្រីក្រសួងសុខាភិបាលឯកឧត្តម ម៉ម ប៊ុនហេង និងការទទួលស្វាគមន៍ យ៉ាងកក់ក្តៅពីសំណាក់ ថ្នាក់ដឹកនាំគ្រប់ជាន់ថ្នាក់នៃ ប្រទេសកម្ពុជាយើងផងដែរ។
អ្វីដែលកាន់តែពិសេសនោះគឺ ពួកគេក៏បានពាំនាំនូវពាក្យស្លោកដ៏មានអត្ថន័យមកកាន់ប្រទេសកម្ពុជា «ស្រលាញ់គ្នាក្នុងគ្រាក្រ ស្គាល់មិត្តល្អក្នុងគ្រាលំបាក» មើលហើយពិតជារំភើប នៅក្នុងចិត្តយ៉ាងខ្លាំងតែម្តង៕