កៀកថ្ងៃសម្រាលកូន! ពេជ្រ សូលីកា ព្រលែងសាច់ក្បាលពោះ កូនក្នុងផ្ទៃ យ៉ាងស្រស់ស្អាត!

ភ្នំពេញ៖ ពេជ្រ សូលីកា ជាតារាស្រីដែលទទួលបានប្រជាប្រិយភាពខ្លាំង បើទោះបីពេលនេះ នាងកំពុងពរពោះ មិនបានចេញមុខក្នុងរង្វង់សិល្បៈ ក៏នៅមានមហាជន និង ហ្វេនចង់ដឹង ចង់ឮពីជីវិតឯកជនរបស់នាង។

យ៉ាងណាមិញ ពេលនេះខណៈកាន់តែជិតដល់ថ្ងៃសម្រាលកូនផងដែរ តែតារាស្រីរូបនេះ មិនបានប្រាប់ឲ្យហ្វេនៗបានដឹង ថាខ្លួនកំពុងពរពោះកូនប្រុស ឬ កូនស្រីឡើយ។ ក្នុងនោះដែរ យើងតែងតែសង្កេតឃើញ សកម្មភាពរបស់នាង និងគូដណ្ដឹង ហាក់ជាមានសុភមង្គល និងបង្ហាញពីភាពផ្អែមល្ហែមទៅវិញ ទៅមក ជាពិសេសអ្នកទាំងពីរតែងតែទៅណា មកណាជាមួយគ្នាគ្រប់ពេល។

ជាក់ស្ដែង កាលពីពេលថ្មីៗនេះ យើងឃើញមានសកម្មភាពខ្លះរបស់ ពេជ្រ សូលីកា និងគូដណ្ដឹង បានដឹកដៃគ្នាទៅថតរូបបែបគ្រួសារ ដោយ ពេជ្រ សូលីកា នាងបានស្លៀកឈុតយ៉ាងស៊ិចស៊ីបង្ហាញពោះរបស់នាង។ ក្នុងនោះដែរ ឃើញថានាងនៅតែមានរូបសម្រស់ស្រស់ស្អាតដដែល បើទោះបី នាងពរពោះជិតដល់ថ្ងៃសម្រាលកូនក៏ដោយ៕

ចង់ជ្រាបច្បាស់ សូមទស្សនារូបភាបខាងក្រោម៖