ពេលនេះ អ្នកឆ្លងជំងឺ Covid-19 មានចំនួន៣១ថ្មីបន្ថែមទៀត ដែលឡើងដល់៨៤នាក់ហើយ

ភ្នំពេញ៖ កាលពីប៉ុន្មាននាទីមុននេះ  ក្រសួងសុខាភិបាល បានប្រកាស នៅក្នុងផេកផ្លូវការ ថាបានរកឃើញអ្នកឆ្លងជំងឺCOVID-19 ចំនួន៣១បន្ថែមទៀត ដែលពេលនេះ សរុបអ្នកឆ្លង ឡើងទៅដល់ ៨៤នាក់ហើយ បើគិតត្រឹមវេលាយប់ ថ្ងៃទី២២ ខែមីនា ឆ្នាំ២០២០។

ក្នុងនោះដែរ បើតាមសេចក្តីប្រកាស របស់ក្រសួងសុខាភិបាល បានឲ្យដឹងថា ករណីជំងឺCOVID-19ថ្មីមួយនេះ ត្រូវបានគេរកឃើញ នៅក្នុងសណ្ឋាគារមួយកន្លែង ស្ថិតក្នុងខេត្ត ព្រះសីហនុ ដែលមាន ជនជាតិបារាំង២នាក់ឆ្លងជំងឺCOVID-19 ស្នាក់នៅក្នុងសណ្ឋាគារនោះ។  ក្រោយមក ក្រសួងសុខាភិបាល ក៏បានយកសំណាករបស់ពួកគេ ដែលជាប់ពាក់ព័ន្ធ ទៅពិនិត្យនៅវិទ្យាស្ថានប៉ាស្ទ័រ រហូតបានរកឃើញ អ្នកឆ្លងទៅដល់៣១នាក់ ដែលជាជនជាតិបរទេសចំនួន២៩នាក់ និងជនជាតិខ្មែរចំនួន២នាក់។

ចំពោះ ជនជាតិបារាំង ២៩នាក់ ជាអ្នកទេសចរ តាមក្រុមហ៊ុនទេសចរមួយ រីឯអ្នកឆ្លងជាជនជាតិខ្មែរ២នាក់ ជាមគ្គុទេសទេសចរឲ្យក្រុមហ៊ុនបារាំងខាងលើ។ ហើយយ៉ាងណាមិញ នៅពេកនេះ អ្នកមានវិជ្ជមានរីរុសទាំង៣១នាក់  បានដាក់ដោយឡែក តាមបន្ទប់ផ្សេងៗគ្នា នៅក្នុងសណ្ឋាគារមួយ ដោយមានការបិទជាបណ្តោះអាសន្ន៕

ខាងក្រោមជាសេចក្តីប្រកាសរបស់ក្រសួងសុខាភិបាល៖