លោកយាយ អាយុ៧៣ឆ្នាំហើយ ខំសម្រក​ ទម្ងន់៣០គីឡូ ដល់លទ្ធផលចេញមក ឡើងកប់បែបនេះ!

បរទេស៖ ផ្ទុះភាពភ្ញាក់ផ្អើលយ៉ាងខ្លាំង ក្រោយពីស្រ្តីវ័យចំណាស់ អាយុ​ ៧៣ ឆ្នាំ Joan MacDonald ដែលជាជនជាតិកាណាដា បានធ្វើការហាត់ប្រាណ​ រហូតដល់ រូបគាត់ផ្ទាល់ បានស្រកទម្ងន់ជិត ៣០ គីឡូក្រាម មិនត្រឹមតែប៉ុណ្ណោះ លោកស្រី ថែមទាំងបានបង្អួត និងបង្ហាញរាង ជាមួយនឹងម៉ូតសម្លៀកបំពាក់ដ៏ស៊ិចស៊ី និងទាន់សម័យ ជូនទៅដល់មហាជនជាច្រើនបានទស្សនាផងដែរ។

នៅក្នុងនោះដែរ លោកស្រី ក៏បានផ្ញើសារលើកទឹកចិត្តដល់ស្ត្រីជាច្រើន ដែលមានអាយុដូចគ្នា ក៏ដូចជាបាន ចែករំលែកនូវគន្លឹះ ដើម្បីជួយឱ្យពួកគេ បានផ្លាស់ប្តូរ និងកែលម្អខ្លួនឯងឲ្យមានភាពល្អប្រសើរជាងមុន នៅលើគេហទំព័រផ្ទាល់ខ្លួនទៀតផង។

ដោយឡែក បន្ទាប់ពី បានសម្រកទម្ងន់ដោយជោគជ័យហើយ លោកស្រី Joan MacDonald ថែមទាំងបានបង្ហាញរាងដ៏ស្រឡូន នៅក្នុងឈុតសម្លៀកបំពាក់បែបស៊ិចស៊ីជាច្រើនម៉ូត ដែលធ្វើឲ្យអ្នកលេងនៅក្នុងបណ្ដាញសង្គមជាច្រើនបានកោតសរសើរចំពោះលោកស្រី បើទោះបីជាមានស្នាមជ្រួញបន្តិចក៏ពិតមែន តែក៏នៅតែល្អ ព្រោះការតែងខ្លួនរបស់លោកស្រី ពិតជាមិនចាញ់ក្មេងៗស្រករក្រោយនោះទេ៕

ចង់ជ្រាបច្បាស់ សូមទស្សនារូបភាពខាងក្រោម៖​​