អាមេរិក៖ ដូចដែលប្រិយមិត្តបានជ្រាបហើយថា ខណៈវីរុសកូវីដ-១៩កំពុងរាតត្បាត ប្រជាជននៅតាមបណ្ដាប្រទេសនាៗ បាននាំគ្នាសម្រុកទៅទិញស្បៀងសម្រាប់ស្ដុកទុកនៅផ្ទះ។ បើងាកទៅកាន់សហរដ្ឋអាមេរិកឯណោះវិញ ក៏មានការសម្រុកទៅទិញស្បៀងស្ដុកទុកផងដែរ តែអ្វីដែលគួរឲ្យភ្ញាក់ផ្អើលទៀតនោះ គឺពួកគេបាននាំគ្នាផ្អើលទៅទិញកាំភ្លើង។
កាលពីថ្មីៗនេះ ពលរដ្ឋអាមេរិកជាច្រើន ត្រូវបានគេឃើញ នាំគ្នាឈរតម្រង់ជួររង់ចាំទិញកាំភ្លើង នៅតំបន់ហាងលក់កាំភ្លើងបរបាញ់សត្វ ក្នុងរដ្ឋកាលីហ្វ័រញ៉ា, ទីក្រុងញូយ៉ក និង រដ្ឋវ៉ាស៊ីនតោន។
យោងតាមសម្ដីរបស់អ្នកទិញ បានឲ្យដឹងថា ជុំវិញនៃការផ្អើលទិញកាំភ្លើងនេះ គឺទុកសម្រាប់ការពារក្រុមគ្រួសារ និងស្បៀងអាហារក្នុងផ្ទះ ចៀសវាងមានករណីក្រុមចោរចូលប្លន់ស្បៀងកើតឡើង។ ហើយមានអ្នកខ្លះទៀត បារម្ភថា អំណាចបន្ទាន់របស់រដ្ឋាភិបាលអាចរឹតត្បិតសិទ្ធរបស់ពួកគេក្នុងការទិញកាំភ្លើង ខណៈជនជាតិអាមេរិកកាត់អាស៊ីមួយចំនួន បានទិញអាវុធដើម្បីការពារខ្លួនពីការវាយប្រហារប្រកាន់ពូជសាសន៍ ដោយសារតែវីរុសកូវីដ-១៩នេះ៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ
