បាងកក៖ ប្រទេសថៃទើបតែបានរកឃើញអ្នកឆ្លងវីរុសកូរ៉ូណាថ្មីចំនួន ៨៩ នាក់បន្ថែមទៀត ដែលធ្វើឱ្យតួលេខអ្នកឆ្លងសរុបបានកើនឡើងដល់ ៤១១ នាក់។ នេះបើយោងតាមទីភ្នាក់ងារព័ត៌មាន Reuters ចេញផ្សាយនៅថ្ងៃសៅរ៍ ទី ២១ ខែ មីនា ឆ្នាំ២០២០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
លោក Taweesin Wisanuyothin អ្នកនាំពាក្យក្រសួងសុខាភិបាលសាធារណៈបានថ្លែងថា៖
ករណីអ្នកឆ្លងកូវីត-១៩ថ្មីនេះ គឺទាក់ទងនឹងករណីឆ្លងមុនៗដូចជា ករណីនៅកន្លែងប្រកួតប្រដាល់ កន្លែងកម្សាន្ត និងករណីអ្នកចូលរួមពិធីសាសនានៅប្រទេសម៉ាឡេស៊ី។
គួរជម្រាបផងដែរថា បើគិតមកត្រឹមថ្ងៃនេះ ប្រទេសថៃបានព្យាបាលអ្នកជំងឺកូវីត-១៩ ឱ្យជាសះស្បើយចំនួន ៤៤ នាក់ ខណៈអ្នកជំងឺចំនួន ៣៦៦ នាក់ផ្សេងទៀត គឺកំពុងទទួលការព្យាបាលនៅឯមន្ទីរពេទ្យនៅឡើយ៕
Bong I.T