ធ្លាប់តែនៅផ្ទះធំស្កឹមស្កៃ! មើលបន្ទប់ដាក់ដោយឡែក Matthew ក្រោយឆ្លងវីរុស Covid-19 ពិតជាឯកាខ្លាំង

ថៃ៖ ដូ​ចប្រិយមិត្តជាច្រើនបានជ្រាបហើយថា​ ពេលនេះតារាថៃ Matthew កំពុងតែស្ថិតនៅក្នុងបន្ទប់ដាក់ដោយឡែកពីគេ ដែលទទួលបានការព្យាបាលយ៉ាងដិតដល់ ក្រោយតារាប្រុសរូបនេះបានប្រកាសខ្លួនថា បានឆ្លងនូវវីរុស Covid-19 រីឯភរិយាក៏ត្រូវបានឆ្លងពីលោកផងដែរ។

ទោះបីជាតារារូបនេះកំពុងតែសម្រាកព្យាបាលយ៉ាងណាក្តី តែលោកនៅតែបង្ហាញនូវព័ត៌មាន ក៏ដូចជាស្ថានភាព និងបង្ហាញក្តីនឹករលឹកដល់គ្រួសារជានិច្ច តាមរយៈបណ្តាញសង្គម។ ជាក់ស្តែងកាលពីពេលថ្មីៗនេះ តារាប្រុសរូបនេះក៏បានធ្វើការបង្ហាញនូវ បន្ទប់ដែលសម្រាកព្យាបាល ខណៈគេងលើគ្រែពេទ្យ។

ដោយក្នុងនោះឃើញថាបន្ទប់តូច សមល្មមស្នាក់នៅម្នាក់ឯង មើលទៅពិតជាឯកាខ្លាំងតែម្តង ស្របពេលដែលកន្លងមកលោកធ្លាបហ់តែជួបជុំគ្រួសារយ៉ាងមានក្តីសុខ នៅក្នុងផ្ទះដ៏ធំស្កឹមស្កៃតែពេលនេះអ្វីៗបានប្រែអស់ ព្រោះតែវីរុសក៏កាចសាហាវមួយនេះ មិនបានឃើញមុខទាំងប្រពន្ធ និងកូនៗ។

ក្រោយពីបានឃើញបែបនេះ ហ្វេនជាច្រើនពិតជាក្តុកក្តួលខ្លាំង ដែលស្ថានភាពមុខមាត់លោកពេលនេះប្រែជាស្លក់ និងស្លេកស្លាំងខ្លាំង រស់នៅក្នុងសភាពយ៉ាងឯកាបែបនេះ៕