ទារិកាម្នាក់ បានជួបមុខម្ដាយសារជាថ្មី បន្ទាប់ពីការដាក់ឲ្យនៅដាច់ដោយឡែកក្នុងមន្ទីរពេទ្យ ដោយសារវីរុស Covid-19

ចិន៖ ទារិកាម្នាក់ ដែលត្រូវបានគេដាក់ឲ្យនៅដាច់ដោយឡែក ព្រោះសង្ស័យថាបានឆ្លងវីរុស Covid-19 ពេលនេះបានជួបជុំជាមួយនឹងម្ដាយរបស់នាងវិញ បន្ទាប់ពីចំណាយពេលជាងបីសប្ដាហ៍នៅក្នុងមន្ទីរពេទ្យ។

ទារិកាខាងលើមានឈ្មោះថា Nuo Nuo ត្រូវបានគេបញ្ជូនទៅកាន់មន្ទីរពេទ្យមួយក្នុងទីក្រុង Shijiazhuang នៃខេត្ដ Hebei កាលពីថ្ងៃទី ២១ ខែ កុម្ភៈកន្លងទៅ ដោយសង្ស័យថាទារិការូបនេះអាចឆ្លងរីរុសពីម្ដាយរបស់គេ។ ចំពោះការផ្ដល់កំណើត គឺចំពេលដែលស្រ្តីជាម្ដាយកំពុងតែនៅដាច់ដោយឡែក ដោយមានផ្ទុកវីរុស Covid-19។ ទោះជាយ៉ាងណាក៏ដោយ ក្រោយការតាមដានរោគសញ្ញារបស់ Nuo Nuo នៅក្នុងមន្ទីរពេទ្យជាងបីសប្ដាហ៍ រួមនឹងការធ្វើតេស្ដជាច្រើនលើក ហើយទទួលបានលទ្ធផលអវិជ្ជមាន គ្រូពេទ្យក៏បានប្រគល់ទារិការូបនេះ ឲ្យទៅម្ដាយរបស់គេវិញនៅថ្ងៃចន្ទដើមសប្ដាហ៍កន្លងទៅនេះ។

លោក Zhao Li ប្រធាននាយកដ្ឋានពេទ្យកុមារ បានប្រាប់សារព័ត៌មានក្នុងស្រុកមួយថា៖

គួរឲ្យដឹងដែរថា ទម្ងន់របស់ Nuo Nuo បានស្រកពី ៣.៤ គីឡូក្រាមមកនៅត្រឹមតែ ៣ គីឡូក្រាមប៉ុណ្ណោះ កំឡុងពេលដែលនាងមកដល់មន្ទីរពេទ្យដំបូង។ ​​​​​​​​​​​​​​​​​​​​​​​ទោះជាយ៉ាងណាក្ដី ក្រុមគ្រូពេទ្យចំនួន ៩ នាក់ដែលទទួលបន្ទុក បានឆ្លាស់វេនគ្នាមើលថែទារិការូបនេះយ៉ាងដិតដល់ ហើយនៅទីបំផុតនាងបានកើនទម្ងន់ពី ៣ គីឡូក្រាមដល់ ៤.៥៤ គីឡូក្រាមវិញ៕

សូមទស្សនាវីដេអូខាងក្រោម៖