អាមេរិក៖ សារព័ត៌មានបរទេសមួយបានចុះផ្សាយថា មានបុរសចម្លែកម្នាក់បានទៅរកតារាចម្រៀងល្បីលំដាប់ថ្នាក់ពិភពលោក Ariana Grande ដល់មុខផ្ទះរបស់នាង នៅក្នុងទីក្រុង Los Angeles សហរដ្ឋអាមេរិក ហើយថែមទាំងបានគោះទ្វារទៀតផង។ ក៏ប៉ុន្តែ អ្នកបម្រើនៅផ្ទះ Ariana Grande បានប្រាប់ទៅវិញថា នាងមិននៅផ្ទះនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមិនត្រឹមតែប៉ុណ្ណោះ គេក៏បានទំនាក់ទំនងទៅប៉ូលិសដើម្បីមកនាំខ្លួនបុរសម្នាក់នេះចេញទៅវិញផង។ អ្វីដែលគួរឲ្យសង្ស័យនោះ តើបុរសអាថ៌កំបាំងម្នាក់នេះអាចឆ្លងកាត់អ្នកការពារសន្តិសុខនៅច្រកចូល ហើយឈានជើងមកដល់មុខទ្វារផ្ទះបានដោយរបៀបណា។
រឿងដែលគួរឲ្យបារម្ភខ្លាំងនោះ គឺនៅពេលដែលប៉ូលិសបានមកដល់ដើម្បីនាំខ្លួនបុរសម្នាក់នោះចេញ គេក៏បានស្ដោះទឹកមាត់ដាក់ប៉ូលិសម្នាក់ ដែលនេះគឺជារឿងគួរឲ្យខ្លាចមួយ ស្របពេលដែលវីរុស កូវីដ-១៩ កំពុងវាយលុកខ្លាំងនៅសហរដ្ឋអាមេរិក ហើយទឹកមាត់គឺជាប្រភពចម្លងមេរោគដ៏ចម្បងមួយ៕
ប្រភព៖ TeeNee