ចក្រភពអង់គ្លេស៖ នៅយប់ថ្ងៃទី ១៥ និង ១៦ ខែមីនាមានការប្រគំតន្រ្តីដ៏ធំមួយត្រូវបានធ្វើឡើងដោយ Stereophonics ក្នុងក្រុង Cardiff ប្រទេសវែល ចក្រភពអង់គ្លេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាម Shanghaiist ក្រុមតន្រ្តីរ៉ុករបស់វែលបានបន្តការប្រគំតន្រ្តីរបស់ពួកគេ ទោះបីជាមានការអំពាវនាវឱ្យលុបចោលការសម្តែង ដោយសារតែការរីករាលដាលនៃជំងឺរាតត្បាត Covid-19 យ៉ាង ណាក្តី។ បច្ចុប្បន្ននៅក្នុងចក្រភពអង់គ្លេសមានអ្នកជំងឺប្រហែល ១,៥០០ នាក់ ហើយចំនួននាក់ស្លាប់ ៥៥ នាក់។ ក្រុមតន្រ្តីនេះបានចែករំលែកនៅរូបថត និងវីដេអូនៅលើបណ្តាញសង្គម Twitter ពីកន្លែងប្រគំតន្រ្តី ដែលអាចផ្ទុកមនុស្សបានប្រហែល ៥,០០០ នាក់។
ការប្រគំតន្ត្រីនេះបានធ្វើអ្នកលេងអ៊ីនធឺណេតមកពីប្រទេសចិនមានការងឿងឆ្ងល់ និងច្របូកច្របល់ថា តើស្ថានភាពនោះនឹងទៅជាយ៉ាងណា។ មានមតិពីមហាជនបានរិះគន់ថា៖
"ពួកគេក្លាហានណាស់!!!"
"ខ្ញុំគ្មានពាក្យអ្វីនិយាយទេ សង្ឃឹមថាពួកគេមិនអីចុះ!"
"វ៉ោវ! នេះពិតជាមិនគួរឱ្យជឿមែន "
"ចក្រភពអង់គ្លេសនឹងតាមទាន់ប្រទេសអ៊ីតាលីក្នុងពេលដ៏ខ្លីមិនខាន!"
“កុំសុំជំនួយពីចិននៅពេលមានរឿងកើតឡើងនោះ អ្នកជាអ្នកធ្វើបាបខ្លួនឯង"
យោងតាមគេហទំព័ររបស់ក្រុមតន្ត្រីរ៉ុកនេះ គោលដៅបន្ទាប់របស់គេគឺគ្រោងនឹងបង្ហាញខ្លួននៅទីក្រុងឡុង ប្រទេសស្វីស ហូឡង់ និងអៀរឡង់ជាបន្តបន្ទាប់៕