បរទេស៖ នាពេលបច្ចុប្បន្ន អាកាសធាតុប្រែប្រួលមិនទៀង ម្តងត្រជាក់ ម្តងក្តៅ ដែលជាហេតុ ធ្វើឲ្យមនុស្សជាច្រើន មិនអាចសម្របខ្លួនបានលឿន ទៅតាមអាកាសធាតុនេះ ហើយក៏ធ្វើឲ្យពួកគេបង្កទៅជា ជំងឺផ្តាសាយតែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង នៅពេលដែលអ្នកចាប់ផ្តើម មានអាការៈមិនស្រួល ដូចជាផ្តាសាយ អ្នកប្រាកដជាមានការបារម្ភ និងអាចងាយនឹងឆ្លង នូវប្រភេទជំងឺផ្លូវដង្ហើមថ្មី ដែលមានឈ្មោះថាCOVID-19។ ដូច្នេះហើយ នៅពេលដែលមិនទាន់មានអ្វី កើតឡើង អ្នកគួរតែមាន នៅការប្រុងប្រយ័ត្នឲ្យបានខ្លាំង ការពារខ្លួនឯងកុំឲ្យឈឺបាន។ ដោយបង្កើនប្រព័ន្ធការពារ ក្នុងខ្លួនរបស់យើងឲ្យកាន់តែខ្លាំង ការជ្រើសរើសនៅម្ហូបអាហារ និងបន្លែផ្លែឈើមកទទួលទាន ក៏សំខាន់ណាស់ដែរ។
បើយោងតាម ព័ត៌មានពីមន្ទីរសុខាភិបាលនៃប្រទេសថៃ បានលើកឡើងពីបន្លែមួយចំនួន ដែលជាឱសថ ហើយគួរតែទទួលទាន ក្នុងអំឡុងពេលដែលអាកាសធាតុមាន ការប្រែប្រួលនេះ។ បន្លែផ្លែឈើទាំងនោះមានដូចជា ស្លឹកគ្រៃ ខ្ទឹមស ខ្ញី ផ្លែត្រប់ ក្រូចឆ្មា ជីអង្កាម ម្រះ និងស្លឹកbasil ជាដើម។ ពោលយើងអាចច្នៃវា ទៅជាប្រភេទម្ហូប ដែលអាចញុំាក្តៅៗ និងហឹលបាន វាអាចជួយកាត់បន្ថយជំងឺផ្តាសាយបាន។
លើសពីនេះទៀត យើងអាចបន្ថែមជាមួយផ្លែឈើ ដែលមានជាតិរ៉ែ វីតាមីន និងជាតិសរសៃ ជាពិសេសនោះគឺ ប្រភេទអាហារដែលមានផ្ទុកទៅដោយ វីតាមីនC ច្រើន ដែលអាចជួយបង្កើនភាពស៊ាំ របស់រាងកាយ និងប្រឆាំងជំងឺផ្តាសាយដូចជាផ្លែក្រូច ផ្លែត្របែកមានលក្ខណៈល្អប្រសើរជាងមុន ដែលអាចជួយជម្រុញកាកសំណល់ ដែលមាននៅក្នុងខ្លួនយើង ឲ្យចេញមកក្រៅអស់ផងដែរ៕
Bong I.T