ចិន៖ តារាសម្តែងស្រី Yang Mi ដែលត្រូវបានគេស្គាល់ថា ជាតារាស្រី ដែលមានទេពកោសល្យ និងមានកេរ្តិ៍ឈ្មោះល្បីល្បាញមួយរូប នៅក្នុងវិស័យសិល្បៈ របស់ចិន។ លើសពីនេះ Yang Mi ក៏ល្បីថា ជាតារាស្រី ដែលមានភាពទាក់ទាញ ដោយសារតែមាន ជើងវែងស្រឡូន ស្អាតផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង កាលពីថ្ងៃទី១៧ ខែមីនា នេះSina ក៏បានចុះផ្សាយថា Yang Mi ក្លាយជា ម៉ូឌែលផ្សព្វផ្សាយរបស់ ម៉ូតសម្លៀកបំពាក់ល្បីៗជាច្រើន ក៏ព្រោះតែ តារាស្រីវ័យ៣៤ឆ្នាំរូបនេះ ជាតារាស្រីលំដាប់A នៅក្នុងវិស័យសិល្បៈរបស់ចិន។ ដូច្នេះហើយទើបបានជា តាមរយៈវត្តមាន របស់នាង អាចជួយជម្រុញដល់ការលក់ របស់ម៉ាកទាំងនោះ បានយ៉ាងច្រើនផងដែរ។
ហេតុផលមួយទៀត ដែលម៉ាកល្បីៗជាច្រើន ជ្រើសរើស តារាស្រីរូបនេះ ក៏ព្រោះតែ ជើងដ៏ស្រឡូនរបស់នាង។ ដោយសារជើងតូច និងស្រឡូនរបស់ Yang Mi មួយគូនេះ អាចធ្វើឲ្យនាង ទទួលបាននៅការងារនិង ប្រាក់យ៉ាងច្រើនតាមរយៈ ការថតម៉ូតឲ្យ ម៉ាកសម្លៀកបំពាក់ និងស្បែកជើង ល្បីៗនានា។ ពោលគឺក្នុងពេលបច្ចុប្បន្ននេះ Yang Mi ក៏បានចុះកុងត្រាថត ឲ្យម៉ូតជាច្រើនមានដូចជា ម៉ាកស្បែកជើងកែង ស្បែកជើងកីឡា ស្រោមជើង ស្បែកជើងប៉ាតតានិង ម៉ូតសំពត់ខ្លីជាដើម៕