អ្នកណាក៏ដឹងដែរថា វីរុស COVID-19 អាចឆ្លងពីមនុស្សម្នាក់ទៅមនុស្សម្នាក់បានឆាប់រហ័សបំផុត ហើយមកដល់ពេលនេះ នៅកម្ពុជារកឃើញអ្នកឆ្លងវីរុស COVID-19 ចំនួន១២ករណី។ ក្រៅពីធ្វើតាមវិធានការការពារឆ្លងវីរុស COVID-19 ពីក្រសួងសុខាភិបាល ក៏ដូចជាអង្គការសុខភាពពិភពលោក ប្រព័ន្ធភាពសាំក៏មានតួនាទីសំខាន់មួយក្នុងការប្រឆាំងការឆ្លងមេរោគផ្សេងៗចូលទៅក្នុងខ្លួនផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឱសថការី សៀកហេង គឹមហ៊ាន់ បម្រើការងារនៅឱសថស្ថាន UCare បានពន្យល់ថា ប្រព័ន្ធភាពសាំ គឺជារនាំងការពាររាងកាយមនុស្សពីវីរុស ឬបាក់តេរីនៅពេលមានមេរោគណាមួយចូលក្នុងខ្លួន។
ដើម្បីទទួលបានប្រព័ន្ធភាពសាំ ឬប្រព័ន្ធការពាររាងកាយរឹងមាំយើងត្រូវ ៖
– ញាំរបបអាហារសម្បូរដោយបន្លែ ផ្លែឈើ
– ហាត់ប្រាណឲ្យបានទៀងទាត់
– រក្សាទម្ងន់ឲ្យបានថេរ
– គេងឲ្យគ្រប់គ្រាន់
– កុំជក់បារី
– ឈប់ ឬកាត់បន្ថយការផឹកគ្រឿងស្រវឹង
– ជៀសវាងការឆ្លងមេរោគ លាងដៃឲ្យបានញឹកញាប់ និងចម្អិនអាហារឲ្យបានឆ្អិនល្អ។
ប្រព័ន្ធភាពសាំក៏អាចចុះខ្សោយបានដែរ អាស្រ័យទៅលើរបៀបរស់នៅប្រចាំថ្ងៃរបស់យើង។ ទង្វើដែលអាចបណ្តាលឲ្យប្រព័ន្ធការពាររាងកាយចុះខ្សោយរួមមាន៖
– ជក់បារីច្រើន
– ផឹកស្រាច្រើន
– ឧស្សាហ៍កើតស្រ្តេស
– ឆាប់នឿយហត់
– ឧស្សាហ៍កើតជំងឺផ្តាសាយ
– លើសទម្ងន់
– មិនទទួលបានពន្លឺព្រះអាទិត្យគ្រប់គ្រាន់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet