ក្រសួងសុខាភិបាលប្រកាសថា នឹងយកសណ្ឋាគារGreat DUKE អតីតសណ្ឋាគារ(អ៊ិនធើខន) រាជធានីភ្នំពេញធ្វើជាកន្លែងធ្វើព្យាបាលជំងឺCOVID-19។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកាសរបស់ក្រសួងយ៉ាងដូច្នេះ ធ្វើឡើងក្រោយ កម្ពុជារកឃើញករណីកូវីដ១៩ជាបន្តបន្ទាប់។
ក្រសួងសុខាភិបាលភ្លាមៗនាព្រឹកថ្ងៃ ១៧ មីនានេះបានបញ្ជាក់ ករណីជនជាតិខ្មែរឥស្លាម ១១ នាក់ ដែលមកពីពិធីសាសនានៅប្រទេសម៉ាឡេស៊ី និងជនជាតិខ្មែរ ០១ នាក់ សរុប ១២ នាក់ ជាករណីថ្មី វិជ្ជមានវីរុសកូវីដ១៩។
សូមបញ្ជាក់ថា មកដល់ព្រឹកថ្ងៃ ១៧ មីនានេះ កម្ពុជារកឃើញ ២៤ករណីហើយនៃការឆ្លង COVID-19 រួមមាន បុរសចិនម្នាក់ ខ្មែរ៣នាក់ និងខ្មែរ-ឥស្លាម១៣នាក់ បុរសបារាំងម្នាក់ ទារកបារាំងម្នាក់ បុរសអង់គ្លេសម្នាក់ ស្ត្រីអង់គ្លេស២នាក់ បុរសកាណាដាម្នាក់ និងបុរសប៊ែលហ្សិកម្នាក់។ បុរសចិន បានជាសះស្បើយវិញ។
គួររំឭកថា តាមរយៈលិខិត ដែលធ្វើឡើងនៅថ្ងៃទី១៦ ខែមីនានេះ លោក ម៉ម ប៊ុនហេង បង្ហើបថា ស្ថានភាពនៃជំងឺ Covid-19 កំពុងរីករាលដាលជាសកល ដែលតម្រូវឲ្យមានការឆ្លើយតបជាបន្ទាន់ ដូច្នេះក្រសួង សម្រេចស្នើឲ្យគ្រប់អភិបាលរាជធានី-ខេត្ត រៀបចំបង្កើតគណៈកម្មការប្រយុទ្ធនឹងជំងឺCovid-19។
សូមអានសេចក្តីជូនព័ត៌មានខាងក្រោមនេះ ៖
Bong I.T