អង់គ្លេស៖ អង់គ្លេស បានក្លាយជាប្រទេសមួយក្នុងចំណោមប្រទេសជាច្រើនទៀតក្នុងតំបន់អឺរ៉ុប ដែលរងគ្រោះដោយសារវីរុសប្រភេទថ្មី Covid-19។ ស្របពេលប្រទេសដែលជាសមាជិកមួយចំនួន ក៏បានផ្អាកដំណើរការនៅតាមទីកន្លែងមួយចំនួនដូចជា សាលារៀន ភោជនីយដ្ឋាន និងទីកន្លែងផ្សេងទៀត ក៏ដូចជាស្នើឲ្យប្រជាជនស្នាក់នៅតាមផ្ទះបណ្ដោះអាសន្នជាដើម ដើម្បីទប់ស្កាត់ការឆ្លងរាលដាលនៃវីរុសនេះ។

ប្រធានាធិបតី អង់គ្លេស
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាងនៅថ្ងៃចន្ទនេះ កម្លាំងពលកម្មរបស់ចក្រភពអង់គ្លេសរាប់លាននាក់​ ត្រូវគេកំណត់ឲ្យស្នាក់នៅតាមផ្ទះរៀងៗខ្លួន និងមានអ្នកមួយចំនួនអាចធ្វើការងារពីផ្ទះមួយរយៈពេលសិន ដើម្បីបង្ការរោគឆ្លង និងជួយទប់ស្កាត់ការរីករាលដាលវីរុសបន្ថែម។ ការកំណត់នេះ ចាប់ផ្ដើមធ្វើឡើងនៅពេលដែលប្រធានាធិបតីអង់គ្លេសលោក Boris Jahnson គ្រោងនឹងផ្ដល់សេចក្ដីសង្ខេបប្រចាំថ្ងៃដល់សាធារណជនអំពីវិបត្ដិ និងវិធានការណ៍រឹតត្បិត។ ហើយនៅថ្ងៃដំបូងនេះដែរ គេសង្កេតឃើញថា ស្ថានីយរថភ្លើងពុំសូវមានអ្នកដំណើរ ចំណែកនៅតាមដងផ្លូវក៏ពុំសូវមានចរាចរណ៍មមាញឹកដូចមុនដែរ។

ស្ថាយនីរថភ្លើង

គួរឲ្យដឹងផងដែរថា ចាប់តាំងពីវីរុស Covid-19 នេះផ្ទុះខ្លាំងនៅក្នុងប្រទេសអង់គ្លេសមក បានធ្វើឲ្យព្រឹត្ដិការណ៍កីឡាបាលទាត់ (Premier league) រួមនឹងកន្លែងធ្វើអាជីវកម្មមួយចំនួនទៀតត្រូវបង្ខំចិត្ដបិទទ្វារ។ ​​​​​​​​​​​​​​​​​​​​ក្នុងនោះដែរ ក្រុមហ៊ុនធំៗដូចជា Apple, Nike និង Urban Outfitters បានប្រកាសថាហាងរបស់ពួកគេនឹងត្រូវបិទ ហើយអ្នកលក់រាយផ្សេងៗទៀតក៏គ្រោងនឹងធ្វើតាមផងដែរ។ ម៉្យាងវិញទៀត ក្រុមហ៊ុនមួយចំនួនដូចជា Google, JPMorgan, deloitte និង HSBC ក៏បានបង្កើតផែនការដែលអនុញ្ញាតឲ្យបុគ្គលិកអាចធ្វើការពីផ្ទះបាន។

ស្ថាយនីរថភ្លើង

សូមជម្រាបថា អ្នកស្លាប់ដោយសារជំងឺរលាកសួតប្រភេទថ្មី ឬ Covid-19 នៅក្នុងប្រទេសអង់គ្លេសពេលនេះបានកើនដល់ ៣៥ នាក់ ខណៈអ្នកឆ្លងកើនដល់ ១,៣៧២ នាក់។ នេះបើយោងទៅតាមតារាងទិន្នន័យ Tracking Coronavirus របស់ BNO News គិតត្រឹមល្ងាចនេះ៕  

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]