ភ្នំពេញ៖ តារាចម្រៀងសម្បុរស្រអែមសំឡេងខ្ពស់កញ្ញា វី ឌីណែត បានបន្ថែមឈ្មោះជាតារាសម្តែងមួយទៀត ខណៈដែលកញ្ញាបានសម្តែងចាប់ដៃគូជាមួយលោក នី រតនា ក្នុងរឿងភាគថ្មី «រាជបុត្រកង្កែប» ដែលនឹងត្រៀមចាក់ផ្សាយជូនទស្សនានៅលើកញ្ចក់ទូរទ្សន៍ ហង្សមាស HDTV ចាប់ពីថ្ងៃទី30 ខែមីនា ឆ្នាំ2020 នេះតទៅហើយបន្ទាប់ពីរឿង «រាជិនីភូមិគ្រឹះ» ម៉ោង 8-9 យប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនេះគឺជារឿងទីមួយដ៏ថ្មីសន្លាងហើយសម្រាប់ម្ចាស់បទ «ខ្យល់បក់ចូលភ្នែក» រូបនេះ ហើយក៏ជារឿងភាគដំបូងដែរសម្រាប់តួប្រុសលោក នី រតនា តែត្រូវបានអ្នកគាំទ្រសាទរចំពោះវត្តមានអ្នកទាំងពីរ ក្នុងរឿងភាគថ្មីមួយនេះគឺទន្ទឹងរង់ចាំទស្សនាខ្លាំងៗតែម្តង។
ឆ្លើយតបទៅកាន់ការគាំទ្រកញ្ញា វី ឌីណែត បានបញ្ជាក់ថា៖
‘‘នេះគឺជាអារម្មណ៍ដ៏រំភើប ដែលរឿងភាគដំបូងបំផុតរបស់នាងខ្ញុំបានលេចចេញជារូបរាង ព្រមទាំងទទួលបានការគាំទ្រពីបងប្អូនតាំងពីមិនទាន់ចាក់ផ្សាយយ៉ាងដូច្នេះ’’។
នៅពេលត្រូវបានសួរពីឈុតឆាក ដែលមានការលំបាកសម្រាប់ការសម្តែងរឿងភាគលើកទី១នេះ ម្ចាស់បទ «អូនសុំត្រឹមការចងចាំ» បានបន្តថា៖
‘‘នេះគឺជាលើកទីមួយសម្រាប់នាងខ្ញុំជាមួយលោក នី រតនា ហើយក្នុងរឿងនេះផ្ទាល់ ឈុតដែលសម្តែងពិបាកត្រូវបំផុត គឺឈុតថើបមាត់ជាមួតួប្រុសនេះតែម្តង គឺក្នុងរឿងមានឈុតត្រូវថើបមាត់ច្រើនដង ហើយក៏ថតខុសច្រើនដងដែរ’’។
គួរបញ្ជាក់ផងដែរថា រឿង «រាជបុត្រកង្កែប» គឺជារឿងដែលបានទទួលសិទ្ធិផលិតឡើងវិញពីរឿងភាគតៃវ៉ាន់ «The Prince Who Turns Into A Frog» ដ៏ល្បីកក្រើកពេញអាស៊ី កាលពីកំឡុងឆ្នាំ2005។
រង់ចាំទស្សនាទាំងអស់គ្នារឿង «រាជបុត្រកង្កែប» នឹមានចាក់ផ្សាយជូនទស្សនាចាប់ពីថ្ងៃទី30 ខែមីនា ឆ្នាំ2020 នេះតទៅហើយបន្ទាប់ពីរឿង «រាជិនីភូមិគ្រឹះ» ម៉ោង 8-9 យប់ នៅលើកញ្ចក់ទូរទ្សន៍ ហង្សមាស HDTV៕
Bong I.T