កូរ៉េខាងត្បូង៖ អ្នកគាំទ្រមួយក្រុមតូចរបស់ក្រុមតារាចម្រៀងកូរ៉េ EXO ដែលគេបានឲ្យឈ្មោះថា EXO-L ACE បាននាំគ្នាធ្វើបាតុកម្មមួយដើម្បីទាមទារឲ្យ Chen ដែលជាសមាជិកក្រុមមួយរូប ចាកចេញពីក្រុម។ បាតុកម្មនេះ បានធ្វើឡើងនៅទីក្រុង Siheung, Gyeonggi-do ដែលជាស្រុកកំណើតរបស់ Chen។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សពួកគេបានជួលឡានក្រុងចំនួន៥ ហើយសរសេរដាក់នៅលើឡានក្រុងទាំងនោះថា "Our_Future_Has_No_Chen" (អនាគតរបស់យើងមិនមានវត្តមានរបស់ Chen ទៀតទេ) និង "We request Chen, who has severed the group’s image and broke fans’ trust to leave" (យើងស្នើសុំឲ្យ Chen ដែលបានបំផ្លាញមុខមាត់ក្រុមយ៉ាងធ្ងន់ធ្ងរ និងបំផ្លាញទំនុកចិត្តរបស់អ្នកគាំទ្រចាកចេញពីក្រុម)"។ យុទ្ធនាការនេះបានចាប់ផ្ដើមពីថ្ងៃនេះតទៅ និងបន្តរហូតដល់១ខែ។
ឡានក្រុងដែលពួកគេបានជួល គឺមានលេខ 23, #55 (2), #99, និង #26-1។ ឡានទាំង៥នេះ នឹងធ្វើដំណើរឆ្លងកាត់ សាលាក្រុង Siheung , ស្ថានីយឡានក្រុង Siheung , ស្ថានីយ៍ Oido, សាលាក្រុង Ansan និងស្ថានីយ៍កណ្ដាល។
ជុំវិញការធ្វើយុទ្ធនាការមួយនេះ អ្នកគាំទ្រក្រុម EXO ពិតប្រាកដបានសម្ដែងការខឹងសម្បា និងគិតថាក្រុម EXO-L ACE នេះធ្វើរឿងដែលហួសហេតុពេកហើយ៕
ប្រភព៖ Koreaboo