កប់ណាស់! គ្រាន់តែស្បែកជើង ឱក សុគន្ធកញ្ញា ពាក់ឡើងឆាកម្តង តម្លៃថ្លៃរហូតដល់....

ភ្នំពេញ៖ ពិតណាស់ ប្រិយមិត្តច្បាស់ជាស្គាល់ តារាចម្រៀងស្រី អ្នកនាង ឱក សុគន្ធកញ្ញ​ ដែលនាងជាតារាចម្រៀងម្នាក់មានប្រជាប្រិយភាពខ្លាំង ហើយថ្មីៗនេះ នាងបានចូលសិល្បៈវិញ ក្រោយពីសម្រាលកូនប្រុសរួចមក។

យ៉ាងណាមិញ យើងបានដឹងហើយថា នាងជាតារាស្រីដែលមានឈ្មោះល្បីល្បាញ ដែលរកចំណូលបានច្រើនពីសិល្បៈ ជាពិសេសយើងសង្កេតឃើញនាង ​និយមប្រើប្រាស់របស់ថ្លៃៗផងនោះ។ ក្រោយត្រឡប់ចូលសិល្បៈវិញ នាងកាន់តែមានភាពមមាញឹកខ្លាំង ឯការតុបតែងខ្លួនរបស់នាងក៏កាន់តែប្លែក និងស្រស់ស្អាតជាងមុនផងដែរ។

ជាក់ស្ដែង យើងឃើញនាងបង្ហោះវីដេអូស្បែកជើង ២គូ ឃើញថាសុទ្ធតែស្អាតៗ ហើយស្បែកជើងទាំងនោះ ជាប្រ៊េនម៉ាកល្បីផងដែរ ដោយស្បែងជើងពណ៌លឿងម៉ាក VERSACE មានតម្លៃ ១៦៥០ ដុល្លារ ហើយស្បែកជើងមួយទៀតមានម៉ាក Alexxander McQueen មានតម្លៃ ៤៣០ ដុល្លារ។

ក្រោយពីបានឃើញតម្លៃនៃគ្រឿងប្រើប្រាស់របស់នាង ហ្វេនជាច្រើនបានលាន់មាន់គ្រប់គ្នា ដែលនាងប្រើប្រាស់របស់ថ្លៃៗ ប្លែកពីគេបែបនេះសាកសមជាមួយនឹងឈ្មោះកំពូលតារាចម្រៀងស្រីតែម្តង៕

សូមទស្សនារូបភាព និង វីដេអូខាងក្រោម៖