អាមេរិក៖ លោក Dan Gelber អភិបាលក្រុងម៉ៃអាមី និងជាប្រធានគ្រប់គ្រងទីក្រុងបានប្រកាសកាលពីថ្ងៃសៅរ៍ថា ជាការបិទមិនឲ្យមានការជួបជុំសិស្ស និស្សិត និងជៀសវាងការរីករាលដាលនៃការឆ្លងវីរុសនេះគឺជាវិធានការណ៍មួយក្នុងចំណោមវិធានការណ៍នានាដែលទីក្រុងកំពុងធ្វើលើការជួបជុំធំៗ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Gelber បាននិយាយនៅក្នុងសេចក្តីថ្លែងការណ៍ថា “ វាបង្ហាញពីទង្វើមិនមានទំនួលខុសត្រូវ ប្រសិនបើយើងមិនទប់ស្កាត់ការជួបជុំនៅតាមទីសាធារណៈទាំងនេះ។ វាមិនត្រឹមតែសំរាប់ប្រជាជន និងអ្នកទេសចរប៉ុណ្ណោះទេ ប៉ុន្តែសម្រាប់សុខភាព និងសុវត្ថិភាពទាំងអស់គ្នា។
ឆ្នេរម៉ៃអាមីក៏បានហាមឃាត់ភោជនីយដ្ឋាន និងក្លឹបរាត្រីពីការទទួលភ្ញៀវជាង ២៥០ នាក់ក្នុងពេលតែមួយ ហើយក៏បានបិទផ្នែកខ្លះទៀតដែលមានទទួលភ្ញៀវច្រើននាក់។
ប៉ូលិសត្រូវបានដាក់ពង្រាយដើម្បីពង្រឹងគោចរបន្ថែមលើឆ្នេរខ្សាច់ចន្លោះផ្លូវលេខ ៧ និងផ្លូវលេខ ១០ ដើម្បីបញ្ឈប់ការប្រមូលផ្តុំគ្នា នៅឯឧទ្យានឆ្នេរខ្សាច់ Lummus Park៕
ប្រភព៖ New York Post