EAT WITH BEE ជាម្ចាស់ជ័យលាភីកម្មវិធី CAMBODIAN NET IDOL រដូវកាលទី ២ ជាមួយនឹងទឹកប្រាក់ចំនួនសរុប ២០,០០០ ដុល្លារ ដោយមាន ទឹកប្រាក់សុទ្ធ កុងត្រា និង រង្វាន់ជាច្រើន!

//s5.kh1.co/2b/2b0e0ae5eb5dac398b3f21750193cd51cb287a40.jpeg

តារា & កម្សាន្ដ

១៥-មីនា-២០២០ ១ល្ងាច · ៤ ឆ្នាំមុន

ភ្នំពេញ៖ ថ្ងៃ១៤ ខែធ្នូ ឆ្នាំ២០២០ កម្មវិធី Cambodian Net Idol រដូវកាលទី 2 ដែលបានបានរៀបចំដោយ Yes 018 បានរកឃើញម្ចាស់ជ័យលាភីហើយនោះគឺ EAT WITH BEE ដែលជាអ្នកទទួលជ័យជម្នះដោយមាន D.R. និង MANITH ដែលជាអ្នកទទួបានលេខ ២ និងអ្នកលេខ ៣ ។ បន្ទាប់ពីឆ្លងកាត់វិញ្ញាសារប្រកួតទាំង ៩ វគ្គកន្លងមក និងមានចំនួនអ្នកទស្សនារាប់លានលាននាក់ ដែលបានចូលទៅកាន់គេហទំព័រផ្លូវការហ្វេសប៊ុក Yes018 ជារៀងរាល់សប្តាហ៍។ ព្រឹត្តិការណ៍ដ៏ធំចុងក្រោយដែលបានធ្វើនៅឯភោជនីយដ្ឋាន Hard Rock Cafe ភ្នំពេញ ត្រូវបានចូលរួមដោយអ្នកគាំទ្រកម្មវិធីនេះ ព្រមទាំងម្ចាស់ឧបត្ថម្ភធំនៃកម្មវិធីគឺ Yes018 និងអ្នកចូលរួមគាំទ្រឧបត្ថម្ភកម្មវិធីផ្សេងៗទៀត និង ជាពិសេស គឺ ក្រុមហ៊ុន Cake Experiential ដែលជាអ្នកបង្កើតកម្មវិធីនេះឡើង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក Andy Ong នាយកប្រតិបត្តិនៃក្រុមហ៊ុន Cake Experiential បានមានប្រសាសន៍ថា៖

“ ពួកយើងពិតជាមានមោទនភាពចំពោះបេក្ខជន បេក្ខនារី ទាំងអស់ដែលបានចូលរួមកម្មវិធី Cambodian Net Idol រដូវកាលទី 2 នេះខ្លាំងណាស់ ដោយពួកគេទាំងអស់បានខិតខំប្រឹងប្រែងយ៉ាងអស់ពីសមត្ថភាពរបស់ពួកគេក្នុងការបំពេញវិញ្ញាសារតាមវគ្គនិមួយៗហើយពិសេសគឺបេក្ខភាពចុងក្រោយទាំង ៣ រូបរបស់យើង ដែលបានយកឈ្នះគ្រប់ឧបសគ្គដើម្បីឈានមកដល់វគ្គផ្តាច់ព្រ័ត្រនេះ។ ពួកយើងជឿជាក់ថាពួកគេនឹងបន្តគោលបំណងរបស់ CNI ដែលបង្កើតឡើងក្នុងគោលបំណងជាវិជ្ជមានដល់ប្រជាជនកម្ពុជាទាំងអស់នៅទីនោះ ។ "

លោក Andy Ong

លោក Jeck Tan ដែលអញ្ជើញមកពី Yes018 ក៏បានបន្ថែមថា៖

យើងពិតជាមានភាពរំភើបណាស់ជាមួយនឹងលទ្ធផលនៃកម្មវិធីនេះហើយក៏បានផ្តល់មកឱ្យយើងនូវសញ្ញានៃការគាំទ្រ Net Idol និងការបង្កើតមាតិកាសម្រាប់ការជំរុញគម្រោងផែនការអាជីវកម្មរបស់យើងនាពេលអនាគត។ ជាមួយគ្នានេះផងដែរ ក្នុងកម្មវិធីពីវគ្គមួយទៅវគ្គមួយ ជាពិសេសចំពោះវគ្គ ការលេងហ្គេមជាមួយប្រព័ន្ធ 5G Gaming ដែលរហូតមកដល់ពេលនេះទទួលបានការចូលទស្សនាជាង 1.8 លាននាក់ ហើយនេះក៏បានចូលរួមលើកកម្ពស់ក្នុងការយល់ដឹងអំពីអ្វីទៅជាប្រព័ន្ធ 5G និងវិធីដែលប្រព័ន្ធនេះអាចផ្តល់អត្ថប្រយោជន៍ដល់ប្រជាជនកម្ពុជាទាំងអស់ផងដែរ” ។

លោក Jeck Tan

ក្នុងនោះផងដែរពិធីករនៃកម្មវិធីនេះ គឺកញ្ញា សារីតា ដែលជាពិធីករតាំងពី ដើមកម្មវិធីរហូតដល់ពេលបញ្ចប់ នឹងការសង្ខេបដំណើរនៃបេក្ខភាពទាំងអស់ហើយបន្ទាប់មកក៏មានគណៈកម្មការ របស់យើងដូចជា កញ្ញា កុសុម៉ា កញ្ញា Nikki Nikki និង លោកសម្បត្តិ ដែលបានចែករំលែកពីបទពិសោធន៍របស់ពួកគេជាមួយបេក្ខភាពទាំងអស់ក្នងការសម្តែងនិងបំពេញតួនាទីជាអ្នកណែនាំបេក្ខភាពទាំងអស់ តាមរយៈវិញ្ញាសារប្រកួតប្រចាំសប្តាហ៍និងជួយផ្តល់ដំបូងន្មាន និងបទពិសោធន៍ល្អៗ ដល់ពួកគេឱ្យរីកចម្រើនកាន់តែប្រសើរឡើងក្នុងការបង្កើតមាតិកា ការទទួលបានអ្នកគាំទ្រ និងការបង្កើតបុគ្គលិកលក្ខណៈមួយតាមប្រព័ន្ធអ៊ីនធើណែត។

បេក្ខភាពចុងក្រោយទាំង ៣ រូបដែលទទួលបានការគាំទ្រច្រើនជាងគេ គឺ Eat With Bee ដែលធ្វើ វិឌីអូ Food Blogger D.R. ដែលធ្វើ វិឌីអូ Dancer និង Manith ដែលធ្វើវីឌីអូជា Sweetie Brio ក្នុងនោះផងដែរ យើងក៏មានអ្នករចនាម៉ូដ របស់យើងគឺ កញ្ញា Sorkbuoy ដែលជាអ្នកច្នៃម៉ូតសម្លៀកបំពាក់សម្រាប់ពួកគេទាំង បីរូប ។ ពួកគេម្នាក់ៗនឹងបង្ហាញវិញ្ញាសាចុងក្រោយដែលពួកគេបានធ្វើតាមរយៈការធ្វើវិឌីអូ Vlog ដែលពួកគេបានផលិតឡើង ក្នុងរយៈមិនដល់មួយសប្តាហ៍សម្រាប់បង្ហាញក្នុងរយៈតែមួយថ្ងៃដើម្បីក្លាយជា Cambodian Net Idol បន្ទាប់ សម្រាប់ រដូវកាលទី ២ ។

មិនត្រឹមតែប៉ុណ្ណោះក៏មាន Net Idols របស់យើងដែលបានវិលត្រលប់មកវិញដើម្បីបង្ហាញទេពកោសល្យរបស់ពួកគាត់នៅលើឆាកដោយមាន កញ្ញា BlinkBleh និង Konjruk ជាមួយនឹងការសម្តែងចម្រៀង និងក្បាច់រាំ។ អ្នកគាំទ្រដែលចូលរួមទស្សនាក៏បានលេងហ្គេមសប្បាយ ៗ នៅលើឆាកដោយផ្អែកទៅលើប្រធានបទ Yes018 លឿនកប់ នឹងបានឈ្នះរង្វាន់ជាច្រើន ។បេក្ខភាពដ៏ពូកែទាំង ៣ និងទទួលបានប្រាក់រង្វាន់សរុបចំនួន ៣៥,០០០ ដុល្លារដោយការចុះកុងត្រា ១ ឆ្នាំជាមួយ ក្រុមហ៊ុន Machha talent agency ទទួលបានទូរស័ព្ទចល័តពីក្រុមហ៊ុន Xiaomi និងគម្រោងទូរស័ព្ទចល័តគ្មានដែនកំណត់ 1 ឆ្នាំពី Yes018 ។

សម្រាប់រដូវកាលទី ២ នេះ អ្នករៀបចំកម្មវិធីនិងគណៈកម្មការ បានសម្តែងក្តីសង្ឃឹមថានឹងមានកម្មវិធី Cambodian Net Idol រដូវកាល បន្តបន្ទាប់ទៀត សម្រាប់ផ្តល់ឱ្យអ្នកដែលចូលចិត្តប្រើប្រាស់អ៊ិនធឺរណែតវ័យក្មេងកម្ពុជាសម្រេចក្តីសុបិនរបស់ពួកគេ។

ប្រសិនបើអ្នកខកខានមិនបានទស្សនាវគ្គមុន ៗ នៃកម្មវិធី Cambodian Net Idol រដូវកាលទី ២ សូមចូលទៅកាន់ទំព័រហ្វេសប៊ុកផ្លូវការរបស់ Yes018 នៅ www.facebook.com/yes.com.kh ឬក៏ទស្សនា ឆានែល Youtube របស់យើងក៏បាន៕

អត្ថបទទាក់ទង