ប្រពន្ធរបស់ Auan Rangsit មិនអាចត្រឡប់មកប្រទេសថៃវិញបាន ដោយសារហេតុផលមួយនេះ

ថៃ៖ តារាសម្ដែងថៃ Auan Rangsit និងភរិយាជនជាតិកូរ៉េ ដែលបច្ចុប្បន្នកំពុងពរពោះ ក្រោយពេលរៀបការជាមួយគ្នាបានរយៈពេល២ឆ្នាំ បានជួបប្រទះនូវបញ្ហាមួយនោះគឺ ភរិយារបស់លោកមិនអាចត្រឡប់មកប្រទេសថៃវិញបានឡើយ។ មូលហេតុចម្បងនោះ គឺដោយសារតែភរិយារបស់លោកមានផ្ទៃពោះ ដូច្នេះនាងមិនអាចធ្វើដំណើរបានទេ ក្នុងកំឡុងពេលដែលពិភពលោកទាំងមូលកំពុងជួបប្រទះនូវភាពវឹកវរ ដែលបង្កឡើងដោយវីរុសកូវីដ១៩។

លោកបានបង្ហាញអារម្មណ៍នឹករឭកភរិយាជាខ្លាំង និងបានបង្ហោះរូបភាពឱបភរិយារបស់លោកដែលកំពុងមានផ្ទៃពោះ នៅលើគណនី Instagram អមជាមួយសារបញ្ជាក់ថា លោកនឹកភរិយា និងកូនក្នុងផ្ទៃជាខ្លាំង បានត្រឹមតែឱបពីចម្ងាយបែបនេះ។

គួរបញ្ជាក់ផងដែរ លោក Auan Rangsit បានដាក់ឈ្មោះកូនក្នុងផ្ទៃរបស់ខ្លួនថា Sarang ដែលតំណាងឲ្យសេចក្តីស្រឡាញ់រវាងលោក និងភរិយា។ អ្នកលេងអ៊ិនធឺណែតជាច្រើនបានចូល comment ជូនពរឲ្យភរិយារបស់លោក និងកូនក្នុងផ្ទៃមានសុខភាពល្អមាំមួន នៅខណៈពេលដែលអ្នកទាំងពីរនៅឃ្លាតឆ្ងាយពីស្វាមី និង ឪពុកបែបនេះ៕

ប្រភព៖ Daradaily